XAKUTHAMI 6:19 - Sumi Naga CL (Re-edited) Bible (BSI)

¹⁹ Ikehu Gideon no pa kilo ilo no ane lhothe lakhi heqhipe lho eno kholaqhi sümo keu ashomkhu ahu lakhi no asho shi. Pa no ashi no atsüto lo sü, eno akulhozü no ali lo süno pesü aphisübo qholo Ampeu lau süghi no pa tsü.

BAIBEL (BSI)

¹⁹ Ikehu Gideon no pa kilo ilono ane lhothe lakhi heqhino lho no kholaqhi sumokeu ashomukhu ahu lakhi luno asho shitsu. Pano aneshi kulho no atsuto lakhi lo su eno akulhozu no ali lakhi lo suno tipaqo pesu AMPEU wu kungumi khuu aphisubo qholo ngo khe akeno pa lau sughino tipaqo pesu pa tsuve.

XAKUTHAMI 6:19 Iomraidhean Croise

BOTHUBO 18:3

eno pi, “O I mpeu, tsala o nhethe lo ni küpüqhiyi ithulu aghi aye, o qeu heche wuve tsü kevilo.

BOTHUBO 18:5

tishi ake lono I no asho kitila süghi no nongu ghüthi püxülu peni, tithiuno nongu la lo wulu penie—kughengu nongu no nongu qeu lau ighive ake.” Ikehu panongu no pi, “Nono pi aketoi shilo.”

ACHINE 2:4

“Khuana no akümllagho shi amikülü lono wochhe keu sho peighi aye, ti ye ashomkhu akiviu no shikeu eno kholaqhi sümono thazü pesü kunuve keu, momu ipumhei keu shopa kholaqhi sümono thazü no nuküxü no shikeu shini.

MATTHEW 13:33

Itaghi Jisü no kimghikipiye kütau panoqo vilo pi, “Kungugha yekipe ye kholaqhi toike. Totimi lakhi no ti au kichhi lakhi pewo ashomkhu ashoghi kichhi lakhi gholo xukütshü kelo ti kümtsü ingu ipeghive chekeu toike.”

XAKUTHAMI 13:20

Kughou akümlla-khache lono ami no iqüsü kungugha küdau iku keno, Ampeuw kungumi ye amiküqü gholono kunguu ikuve. Manoah ngo pa nipu pama no ti ithulu no agi pishiqhope ayeghi lo ikiqive.

XAKUTHAMI 6:18

Kimiyeno I no O zülo agho süghi mphi kutolo, hileno wu kevilo.” Ampeu no pi, “Nono ighi moke kutolo I no ngo aghini.”

XAKUTHAMI 6:20

Kungumi huno pa vilo pi, “Ashi ngo asho pesü atuqu hipau shou beno akulhozü no tipau shou letelo.” Gideon no tishive tsü.