XAKUTHAMI 4:7 - Sumi Naga CL (Re-edited) Bible (BSI)

⁷ I no Jabin ghüshimi shou zatsüu Sisera pelo o sasü Kishon ghoki lono küpüghü peni. Pa ye paw khurkulu eno ghüshimi ani, ikemu I no pa pesü o u lo süvetsü nani.’”

BAIBEL (BSI)

⁷ Ino Jabin wu ghushimi shou Zahtou Sisera pelono osasu Kishon Ghoki lono aghu shijupeni. Paye pawu khurkulu eno ghushimi ani, ikemu pa shou tolupe nikeu kuka ino otsu nani.’ ”

XAKUTHAMI 4:7 Iomraidhean Croise

KUKAMI ATUGHIU 18:40

Elijah no panongu vilo pi, “Baal tungkupmi küghalu khavelo; panongu lakhimu phepupo kevilo.” Timiqo no panongu küghaluve, eno Elijah no panongu sasü Kishon ghoki lo ilo no kümtsü ghiqhi khave.

IPEKULU 14:17

Eno I no Egyptmi mlo shikümkave tsü nani, tishikeu lono panongu no Israelmi pape ilo nani, eno Pharaoh ngo paw aqokitikhi, khurkulu eno khurshimi shou I no ajuküvü ithuluve nanie.

IPEKULU 14:4

Eno I no Pharaoh mlo shikümkave tsüno pa no panoqo hawu nani, eno Pharaoh ngo paw aqokitikhi vecheo I no ajuküvü ithuluve nani, Egyptmi no Ni ye Ampeu kepi ithi nani.” Ikehu panongu no titoi shive.

IPEKULU 14:8

Ampeu no Egypt kükau Pharaoh mlo shikümkave tsü, eno Israelmi no akumto shi wuche kelo pa no Israelmi hasü ighi.

IPEKULU 21:13

Ikemu tsala pa no püthapütsano kumono Alhou no pa pelo pa u lo ikiqi ilovepe aghi aye, I no nongu ghenguno a-a lakhi kichetsü nike tile poiloni.

JOSHUA 10:8

Ampeu no Joshua vilo pi, “Panongu msa kevilo, I no panoqo pesü o u lo süve tsüae. Panongu lakhimu o zülo puthugho lumo nani.”

JOSHUA 11:20

Kughengu ti ye Ampeu no kughu keu kiqi lono Pa no tipaqo mlo shikümkave tsüno panongu pelo Israelmi sasü aghüshi peniye ke, tishianguno Ampeu no Moses azah tsüke toi panoqo kipimi qhitsü mono kütsave peniye ke.

JOSHUA 11:6

Ampeu no Joshua vilo pi, “Panongu jumsa kevilo, thoghiu hipa ghuloki lo I no panongu kümtsü pithive no Israelmi tsüveni. No ye panow khurshiqo pukhu micheve tsü eno khurkuluqo pitive tsülo.”

JOSHUA 8:7

Tishi kemtsa nongu no aküghütshü-a lono ipeghi no aphughi botha luvelo kughengu Ampeu nongu Lhou no nongu tsü nani.

XAKUTHAMI 4:14

Deborah no Barak vilo pi, “Wulo! Kughengu ishi tsala lono Ampeu no Sisera o u lo süve tsüae. Ampeu ye o züu no ipeve ake kumo keshea?” Barak no Tabor To lono paw timi 10,000 sasü iqive.

XAKUTHAMI 4:8

Barak no pi, “Nono I sasü wu aye ni ye wuni ikemu nono I sasü wumo aye ni ye wumoe.”

XAKUTHAMI 5:21

Khaghi ghoki Kishon zükuqo no panongu yipe wuve. O I ngulho, mtotoi chewulo!

SAMUEL ATUGHIU 24:10

Ishi Ampeu no kishi atuki lo o pesü I u lo sütsü keno o nhethi no ithuluvae. Khami no I vilo o heqhive lopie, ikemu I no o püxüve eno ishi pi, ‘I mpeu shou ni ye I u süqhemoe, kughengu pa ye Ampeuw nukikishe ke.’

SAMUEL ATUGHIU 24:18

Eno ishi nono kishi I lau akivi shikeno sheshuvae, Ampeu no I pesü o u lo sütsü keghi no ye I heqhimoe.