XAKUTHAMI 4:11 - Sumi Naga CL (Re-edited) Bible (BSI)

¹¹ Tipa ghuloki lo Kenimi lakhi Heber ye Kedesh phivilo Zaanannim lo aphisübo qholo küghüna ache; hi Kenimi ye Moses pangu Hobab kughukomi eno Heber ye Kenimi gholono kajosü wuve kemi ke.

BAIBEL (BSI)

¹¹ Tishi akelono Kenimi Heber ipi keuno pa phiki Zananim lo aphisubo phivilo shipe qhilu. Ike paye Kenimi gholo no kajosusu wuveke, hi Kenimiye Muse ngukishiu Hobab polo kughukomi ke.

XAKUTHAMI 4:11 Iomraidhean Croise

IPEKULU 18:1

Alhou no Moses eno Paw timi Israelmi ghenguno mla tsükeu, Ampeu no kishi Egypt lono Israelmi saipeghi keno, Midian chineu Moses pangu Jethro no kümtsü chiluve.

IPEKULU 2:18

Kughou panongu no panoqo papu Reuel kilo ighi keno, pa no pi, “Kishino nongu ye ishi itheno aki lo ighive akea?”

IPEKULU 3:1

Moses ye Midian lo achineu pa ngu Jethro mbeloji khekuto ae, eno pa no yenguyike-a kulolau ambeloji sasü wuno Alhouw naghuto Horeb lo ighi.

AKIKIHI 10:29

Moses no pangu Reuel nu Hobab, Midian noghami, vilo pi, “Ningu ye Ampeu no ayeghi khikhi, ‘I no nongu tsüni’ ipi püa keno, tilau wucheni. Nino akivishi o tucho nanike ni gholo ighilo, kughengu Ampeu no Israelmi lau akivi mlani keu piqhive ake.”

AKIKIHI 10:32

Nono ni gholo wu aye, Ampeu no akivi kiu kiumu ni lau mlatsü keu nino athoshi o lau shini.”

AKIKIHI 24:21

Eno pa no pishi puwo Kenimi juno tungkuptsa hitoi pi, “O kungo-a ye süshokulu ani, eno o püsü ye atuqu lo shipüani.

JOSHUA 19:33

pano lughi ye Heleph lono, Zaanannim lo aphisübo lono, Adami-nekeb, Jabneel, Lakkum kuto, eno Jordan lono kishekhave ani.

JOSHUA 19:37

Kedesh, Edrei, En-hazor,

XAKUTHAMI 1:16

Moses pangu Kenimi kughukomi ghi Judah timiqo gholono, Amsabo phughi lono Negeb lo Arad phivilo, Judah sayeqha kutolo iqho eno tilau küghünauve.

XAKUTHAMI 4:12

Kughou Sisera no Abinoam nu Barak ye Tabor Tolo ikuvae pi keu ithive keno,

XAKUTHAMI 4:6

Li no Kedesh-naphtali lo timi puwu no Abinoam nu Barak kuno pi, “Ampeu Israel Lhou ye ishi azah o tsü püanike kumo? ‘Wulo, eno Naphtalimi ngo Zebulunmi 10,000 Tabor Toghi lono hekütsülo.

SAMUEL ATUGHIU 15:6

Saul no Kenimi vilo pi, “Chevelo, Amalekmi launo povelo, tikumo aye panongu gholono I no nongu ghi kütsaveni. Kughengu Israelmi no kughou Egypt lono ipeche keno nongu no kimiyeqhiyi püanie.” Ikehu Kenimi no Amalekmi launo pove.

SAMUEL ATUGHIU 27:10

Kughou Achish no, “Ishi ye khilau lewu kea?” ipi ighiju aye, David no, “Judah apeu lewue,” momu “Jerahmeel apeu,” momu, “Kenimi apeu,” ipi khochile che.