XAKUTHAMI 3:9 - Sumi Naga CL (Re-edited) Bible (BSI)

⁹ Ikemu kughou Israelmi no Ampeu lau ighamku keno, Ampeu no panongu xaphe nike Kenaz nu, Caleb thiküzüu Othniel puwu, eno pa no panoqo xalue.

BAIBEL (BSI)

⁹ Tishike lono Israilmi AMPEU lau igha khu eno pano timi lakhi pelo panongu kuqho phe tsupenikeu puwu. Timi tipau jeye Othniel ke, paye Kaleb thikuzuu Kenaz nuke.

XAKUTHAMI 3:9 Iomraidhean Croise

NEHEMIA 9:27

Tighenguno Nono pano ghümi u lo panongu süve tsüno aghime shipe. Eno aghime lono panongu no O lau ighamku, tileno Nono kungugha lono chilu tsüe. Ow kimiyekini kije kiqi lono Nono xakulumi panongu tsüno tipaqo no aghümi launo panoqo xaphelue.

LESHELE 22:5

Panongu no O lau igha ighi eno Nono panongu xaphe; panongu no O pükhü, eno Nono panongu pelo kujove pemoe.

LESHELE 78:34

Kughou Pa no khami pithive keno, panongu no Pa phuighi; Panongu no xaide no amlo tsüqhiyi Alhou phuighie.

JOSHUA 15:17

Eno Othniel nu Kenaz, Caleb thiküzüu nu Othniel no leluve eno Caleb no pa nga Achsah pa kilo puwove.

XAKUTHAMI 1:13

Caleb thiküzüu ayitiu Kenaz nu, Othniel no aphughi hu leluve eno kuchono Caleb no pa nga Achsah pesü pa nipu shi penike tsüve.

XAKUTHAMI 10:10

Ikehu Israelmi no Ampeu lau ighamku pi, “Ningu no O zülo küsakügha shivae, kughengu nino ni Lhou pheve no Baal mllauve ke.”

XAKUTHAMI 2:16

Tishino Ampeu no xaküthami puthu eno tipaqo no süxakuchumi launo pano xaphe.

XAKUTHAMI 2:18

Kugho kughomu Ampeu no panongu ghenguno xaküthami süsü aye, Ampeu no pa gholo ache, eno pa küxü tivilo pa no aghümi u lono timiqo xaphe che. Kughengu aghümi no ghime keu ghügha ghenguno Ampeu no panongu kimiyeve cheke.

XAKUTHAMI 3:15

Tithiu Israelmi no Ampeu lau ighamku, Ampeu no panongu xaphekuluu Benjamin limi Gera nu, Ehud puwu, pa ye au piyiu sülami. Israelmi no Ehud u lono sükusho süqha pesü Moab kükau Eglon tsüpuwu.

XAKUTHAMI 3:8

Tighenguno Ampeu no Israelmi lau axuideve no panoqo pesü Mesopotamia kükau Cushan-rishathaim u lo süvetsü. Tishino Israelmi ye ampe tache Cushan-rishathaim qeche.

XAKUTHAMI 4:3

Ikehu Israelmi no Ampeu vilo kuphu tsülopi ighamku, kughengu Jabin ye ayi khurkulu 900 ache eno pa no ampe muku ayiküsa shi Israelmi qhasü.

XAKUTHAMI 6:7

Kughou Israelmi no Ampeu lau Midianmi ghenguno ighamku keno,

SAMUEL ATUGHIU 12:10

Panongu no Ampeu lau ighamku pi, ‘Nino axine shivae, kughengu ningu no Ampeu pheve no Baal ngo Ashtaroth qeuve. Ikemu itehi ni ghümi u lono ni xaphelu tsülo, tishi aye ningu no O qeni.’