XAKUTHAMI 2:18 - Sumi Naga CL (Re-edited) Bible (BSI)

¹⁸ Kugho kughomu Ampeu no panongu ghenguno xaküthami süsü aye, Ampeu no pa gholo ache, eno pa küxü tivilo pa no aghümi u lono timiqo xaphe che. Kughengu aghümi no ghime keu ghügha ghenguno Ampeu no panongu kimiyeve cheke.

BAIBEL (BSI)

¹⁸ Kughokughomu AMPEU no xakuthau lakhi tsu aye, AMPEU no pa kuphuno aghumi ulono timiqo xaphe luno pa kuxu tivilo aloinolu chepeke. Ghichhe ghimeno qhasupe akeu lono igha khuke ghenguno AMPEU no panongu kimiyeve cheke.

XAKUTHAMI 2:18 Iomraidhean Croise

BOTHUBO 6:6

Ampeu ye Pa no ayeghi lo timi lhopheke ghenguno kümsü chileve, eno tino Pa mlo ghimeve.

KUKAMI AKINIU 13:4

Tile Jehoahaz no Ampeu vilo inikhu, eno Ampeu no Syria kükau no kishi Israelmi shikimighi ani keno ithulu no pa kighini chilutsü.

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 90:13

Ideighi lo, O Ampeu! Khitohi kea? O qemiqo shou kikimiye alo!

IPEKULU 2:24

Alhou no panoqo mloghuju chilu, eno Alhou no Abraham, Isaac, eno Jacob sasü puloshoqhi shikeu kümsüchilelu.

IPEKULU 3:12

Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

IPEKULU 32:14

Ikehu Ampeu no Paw timi lau amhekiqi süghini pi akeu süchileve.

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

JONAH 3:10

Kughou panongu no küsakügha laghi lono xaide ighi akeu Alhou no ithulu keno, Pa no panoqo lau amhekiqi süghini piakeu süchileve, eno Pa ye tipau shimove.

AKIKIHI 10:9

No yeghi lo aghümi khunono nongu qhasü cheni keno, nongu no tipaqo sasü aghü küpüghüni kelo afuko ikhonhei igha no kütüghüni, tishianguno Ampeu nongu Lhou no nongu kümsülu eno no ghümi launo xalu nani.

ZAKINIU 32:36

Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

XAKUTHAMI 10:16

Tishino panongu no inami lhouqo ikhipe peve no Ampeu mlla; ikelo Ampeu no Israelmi ghime jupe kutuu mlave.

XAKUTHAMI 11:32

Tishino Jephthah ye aghoki kathasü ikuno Ammonmi sasü aghüshi thuve, eno Ampeu no tokulu pa tsüe.

XAKUTHAMI 2:19

Ikemu kugho kughomu xaküthau no thive kemtsa timiqo ye itaghi idechile aqau küxü lo ilove no pano puasüqo nguno alau alhoksa shikitheve che, eno alhou kütau mlla eno huthuuve cheke. Panongu ye pano lhoksa kümla ngo kuthovi keu lhoaye phevemoe.

XAKUTHAMI 3:9

Ikemu kughou Israelmi no Ampeu lau ighamku keno, Ampeu no panongu xaphe nike Kenaz nu, Caleb thiküzüu Othniel puwu, eno pa no panoqo xalue.

XAKUTHAMI 6:12

AMPEUw kungumi no pa lau ipeghi no pi, “Ampeu no o gholo ani, O, aghü kivimi.”

XAKUTHAMI 6:16

Ampeu no pa khochile, “Ikemu I no o gholo anani, eno timi lakhi heqhi akeshi nono Midianmi kümtsü heqhive nani.”