XAKUTHAMI 2:14 - Sumi Naga CL (Re-edited) Bible (BSI)

¹⁴ Ikehu Ampeu no Israelmi lau ighono axuideve no panongu pesü süxakuchumi tsüve no tipaqo no pano xüle puwuve pe. Pa no pano ghümi u lo panoqo jesüve, tishikeu lono Israelmi ye kiu nomu panongu süshokulupu shimlave.

BAIBEL (BSI)

¹⁴ Tighenguno AMPEU no Israilmi lau ighono axu ideveno suxakuchumi pelo le ighipe no panongu kuakini lipuwuve pe. Pano ghumiqo pelono panongu qhasuluvepeno Israilmi ye kiunomu panongu sushokulupu shimove.

XAKUTHAMI 2:14 Iomraidhean Croise

SAMUEL AKINIU 24:1

Itaghi Israel shou Ampeu loghu ye iqü ipeghi, Pa no David xukutho no pi, “Wulo, Israel ngo Judah kihiju lo.”

SAMUEL AKINIU 7:11

Eno püzüu I no xaküthami süsüke ghuloki lo toi ngukangughami ye panongu ghime kithemo nani. Nongu ghümi kümtsü launo I no nongu kulhoqhi tsü nani. Tinguno alau, Ampeu no o lau shuphe anike Pa no o sala aki shitsü nani.

KUKAMI AKINIU 13:3

Ampeu no Israelmi shou amlo ideve no Syria kükau Hazael eno pa nu Ben-hadad pama u lo ishokibe Israelmi phesüve tsü.

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

YEKIKITHI AKINIU 15:5

Tipa ghuloki lo aghakhu lo aküküpna kije no xüküami kümtsü qhasüpe akehu iqhoiqi ke milakhi mu aloino mlae.

YEKIKITHI AKINIU 28:5

Tighenguno Ampeu no Ahaz pesü Syria kükau u lo süvetsü eno Syria kükau no pa leluve no timi kutomo küghape Damascus lo wuve. Pa ye Israel kükau u lo ilove eno Israel kükau no akumto shi pa theqhive.

YEKIKITHI AKINIU 36:16

Ikemu panongu no Alhou tsapemi thaigha, eno Ampeu loghu no panongu shou ikughi moke kutolo eno ti küghüqü luni keu kühave moke kutolo, Pa tsa jukünatha eno Paw tungkupmi junuqhi ke.

NEHEMIA 9:27

Tighenguno Nono pano ghümi u lo panongu süve tsüno aghime shipe. Eno aghime lono panongu no O lau ighamku, tileno Nono kungugha lono chilu tsüe. Ow kimiyekini kije kiqi lono Nono xakulumi panongu tsüno tipaqo no aghümi launo panoqo xaphelue.

LESHELE 44:11

Nono ningu pesü ghiqhive niye akeu ambe toivepe eno shiyeqo gholo kutholeve.

LESHELE 44:12

Nono ame mlalei ningu jeve, panongu jeme kutomo khumoe.

ISAIAH 42:24

Khuu no küpükami u lo Jacob süve kea? eno Israel pesü xülepuwu kemi u lo süve kea? Ti ye Ampeu khuu shou nino axine shive keno, Pa no ke kumo? Pa laghi lo panongu no wumove, eno ningu no Pa yezahqo gholumove ke.

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

JEREMIYA 37:10

Nongu no Chaldeami ghüshimi no sasü aghüshi akemi qhoi leluve no izave kemi likhi aphiki lo qhive namu, panongu no ithughi no ami pesü mishighüna hipau pitive tsü nani.’”

ACHINE 26:17

I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

ACHINE 26:28

I no axukighide lono nongu mjochile nani, Ni ampi no ghuthu tsüni no küghüsü no nongu ghime nani.

ACHINE 26:37

Khunomu hachemo keghi azütakikihi zülo poche keshi lakhino lakhi shou küpxa nani. Nongu ye aghümi puqhelu kepu küha nani.

AKIKIHI 32:13

Ampeu no timiqo shou amloideve no Pa zülo axine shive keu tiqhelimi no thikhave moke kutolo panoqo pelo asayeqha lo ampe lhobidi itsü chewuve peke.

AKIKIHI 32:14

Julo, Israelmi shou Ampeu xukighide kighishe penike nongu axinemi tianuliqo no nongu papuqo theli lo ipeghivae!

ZAKINIU 28:20

“No kümla lhoksa eno Ampeu milive ke ghenguno, nongu kütsave eno püghave moke kutolo Ampeu no nongu kümla küghütha kümtsü lo müsüini, kübangü keu eno amlo shikümka keu süghitsü nani.

ZAKINIU 28:25

“Ampeu no nongu ghümi pelo nongu shou toluvepe nani. Nongu no ala lakhi lono panoqo lewu nani ikemu ala tsüni lono panongu zülono kuhapo nani. Ayeghi lo kükaqha akeu kümtsü no nongu shou kiu shiani keno ithulupe thüghüi nani.

ZAKINIU 28:58

“Kaku hipau lo Ayezah yepüakeu kümtsü nongu no amikucho shi papemo, eno Ampeu nongu Lhouw akichiqhipu eno akümzapu je sümsamo aye,

ZAKINIU 32:30

Ampeu no panongu phevemo aye eno pano Tuqu no pano jepuwu moaye, kishino milakhi no qhethonhe halelu, eno mikini no qhethonhe chighi hale luni kea?

JOSHUA 23:16

tsala nongu no kütau lhouqo lau wuve no tipaqo qeuve eno pishiqhope tipaqo mllauve no Ampeu nongu Lhou sasü puloshoqhi shikeu hebideve aye, Ampeu loghu no nongu shou ikughi nani eno nongu ye Pa no ayeghi kivi nongu tsükeu lono paikhavi no püghave nani.”

XAKUTHAMI 1:19

Ampeu no Judah gholo akehu pa no ato ghakhu kümtsü qhasü luve ikemu aqa lo küghüna akeqo ye haphe mlave kughengu tipaqo ye ayi no mlakeu khurkuluqo acheke.

XAKUTHAMI 1:34

Amorimi no Dan laghami mjochilesü atoghiu puqhove eno pano pelo aqa lo küghüna nike iqighi pemove.

XAKUTHAMI 10:7

Ikehu Ampeu no Israelmi shou amloideve no Philistiami ngo Ammonmi pelo panongu qhasü luvepe.

XAKUTHAMI 2:20

Ikehu Ampeu mlo kighide no Israelmi shou ikuve no pi, “Timi hipaqo no Puloshoqhi khikhi I no pano puasü vilo shilo pi keno, ti hexave eno I gholu move kehu,

XAKUTHAMI 3:12

Itaghi Israelmi no Ampeu zülo küsakügha shiuve kehu Ampeu no Moab kükau Eglon shikumto no Israelmi mjochilepe.

XAKUTHAMI 4:2

Ikehu Ampeu no Canaanmi kükau Hazor ghakhu lo akükau Jabin pelo panongu leluvepe. Paw ghüshimi shou zatsüu ye Harosheth-hagoyim ghami Sisera.