XAKUTHAMI 2:12 - Sumi Naga CL (Re-edited) Bible (BSI)

¹² Panongu no Ampeu pano puasü Lhou, khuu no Egypt lono panongu saipeghi keno, Pa pheve. Panongu ye alhou kütauqo phuwuve, eno timi kütami khunoqo pano sümxape ache keno, tipaqo lhou mllauve. Tishikeu lono panongu no Ampeu mlo shikighide tsüe.

BAIBEL (BSI)

¹² panongu ye AMPEU mllamove, panongu puasuno mlla chekeu Lhou khuuno Ijip lono panongu saipeghi keno tipau pheveno alhou kutau mllauve, panongu suho pesu akeqono mlla chekeu lhou mllauve. Panonguno tipaqo zulo pishiqhouve keu lono AMPEU loghu shikighideve tsu.

XAKUTHAMI 2:12 Iomraidhean Croise

LESHELE 106:36

Panongu no pano julhoqo qeuve, tipau no panoqo ghenguno alichhe lakhi shive.

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 13:16

O u lo eno o kishe lo hipau pesü amchipu shi qhilo, kughengu aküka kumto vecheo Ampeu no Egypt lono ningu saipeghi ke.”

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 13:9

O u lo eno o kishe lo hipau no amchipu eno kümsümamo keu shi qhilo, tishianguno o kichi lo Ampeu yezah apenie. Kughengu Ampeu no au kumto pesü no Egypt lono o saipeghi ke.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

JEREMIYA 16:11

Panongu vilo pilo: ‘Kughengu no puasüqo no I kümsümave ke, Ampeu no asheshu, I kümsümave eno I yezah pheve no kütau lhouqo huthu eno mllauve, panongu mlo kümka lhoksa pape wuve no I tsa ini move,

ZAKINIU 13:5

Ikemu tungkupu momu asamo pumo kicheu ye pithive lo, kughengu Ampeu khuu Egypt lo aqüaxe lono nongu xaphelu keno, Pa launo tsüghüve penike pa no nongu pelo Ampeu no azah tsükeu hebide peniye shi ani. Ikehu alhoksa ye nongu dolono ikhive lo.

ZAKINIU 29:18

Tigheno tsükhüi lo, tikumo aye nongu dolo kiptimi totimi na, alagha ashiaye namu khami no Ampeu launo tsüghüve no shiye tipaqo lhou mllauve nosa, eno nongu dolo tüghükupu eno khumtsai ke xathi pithi kepu sü kuhu aghi nosake tsükhüi lo.

ZAKINIU 29:25

Tileno timiqo no pi nani, ‘Ti ye panongu no Ampeu pano puasü Lhou no Egypt lono panoqo saipeghi kelono puloshoqhi shikeu panongu no pemove kehue,

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.

ZAKINIU 33:17

Pa ye amshitsü piti tüghüu, pa ye akükanguagha ani, pa kibo ye aviala kibo ke; Pa kibo no timi shoqhi nani, eno ayeghi shekha kutolo timi kümtsü shoqhi nani; tipaqo ye Ephraim lo timi qhethonhe chighi, eno Manasseh lo timi qhethonhe ke.

ZAKINIU 4:25

“Kughou nongu no atianuli eno atilimi auveni eno aghakhu tile no kitemi shiveni keno, nongu no kiukiu julho mlakeu vecheo alhoksa shiuve, eno Ampeu nongu Lhou zülo kiu no kixikila keno shikeu lono Pa pelo axuidepe aye,

ZAKINIU 5:9

Nongu ye tipaqo zülo pishiqho momu qemoni; kughengu Ni Ampeu nongu Lhou ye anhekushu Lhou, I mithi kemi tianuli lau tiqheli aküthüu ngo abidiu kutolo aghime süghi cheni.

ZAKINIU 6:12

nongu ye Ampeu khuu Egypt lo aqüaxe lono nongu saipeghi keno, Pa kümsümave nosake tsükhüi lo.

XAKUTHAMI 10:11

Ampeu no panongu vilo pi, “Ni ye Egyptmi, Amorimi, Ammonmi, Philistiami launo nongu xaluke kumo keshea?

XAKUTHAMI 5:8

Kughou alhou kithe kishe keno aphughi khagho lo aghükishi ighive. Israelmi 40,000 gholo azüto momu angu ithulu keshea?

XAKUTHAMI 8:33

Gideon thive kemtsa, Israelmi ye itaghi idewo Baal mllauve no Baal-berith pesü pano lhou shive.