XAKUTHAMI 2:11 - Sumi Naga CL (Re-edited) Bible (BSI)

¹¹ Israelmi no Ampeu zülo küsakügha shiuve eno Baal mllau khave.

BAIBEL (BSI)

¹¹ Tipathiu Israilmiye AMPEU zulo axine shiuveno Baal mllau khave.

XAKUTHAMI 2:11 Iomraidhean Croise

BOTHUBO 13:13

Sodommi ye küsakügha, Ampeu shou axine kije shiche kemie.

BOTHUBO 38:7

Ikemu Judah nu anoghiu Er ye Ampeu zülo küsakügha shive, eno Ampeu no pa pithive.

KUKAMI ATUGHIU 11:5

Solomon no Sidonmi lholiu Ashtoreth eno Ammonmi no mlla chekeu aphikümqhüpu lhou Milcom mllauve.

KUKAMI ATUGHIU 18:18

Pa no khochile, “Ni ye Israel küpüna püamoe, ikemu nou no eno o lagha no küpüna cheni, kughengu nono Ampeu zakütsüqo pheve no Baal mllauve ke.

KUKAMI ATUGHIU 22:53

Pa ye Baal mlla eno huthu püzü pa pu toi ala thokha lono Israel Lhou Ampeu mlo shikighide tsüe.

YEKIKITHI AKINIU 28:2

ikemu Israel kükami no xükeu laghi pape. Pa no Baal ghenguno ayi julho ghi mlae.

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

YEKIKITHI AKINIU 33:6

Pa nuli küghape Hinnom Nu Khila lono piti mlla, eno asakiqhi, küdüu, asheazü tsa kipimi, tumumi, eno kithixashemi peitha. Ampeu zülo shishe axine shikeu lono pa no Ampeu mlo shikighide tsü.

EZRA 8:12

Azgad li lono Hakkatan nu Johanan eno pa gholo timi 110.

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

LESHELE 78:56

Ikeghi panongu no Shishe Akiqheu Lhou hebide eno Pa peju no Pa yezah papemoe,

JEREMIYA 11:10

Panongu ye I tsa milive no pano puasü xine lo idewovae. Panongu ye alhou kütauqo huthu nike pape wuvae. Israel ngo Judah kibo ye I no pano puasü sasü puloshoqhi shikeu hephovae.

JEREMIYA 16:11

Panongu vilo pilo: ‘Kughengu no puasüqo no I kümsümave ke, Ampeu no asheshu, I kümsümave eno I yezah pheve no kütau lhouqo huthu eno mllauve, panongu mlo kümka lhoksa pape wuve no I tsa ini move,

JEREMIYA 2:20

“Khaghi no I no ow kuokhasü hephove tsü eno o kütsüghaqo süthave tsü kemu nono pike, ‘Ni ye O qemoe.’ Iyei, atoghi kümtsü lo eno asübo kümtsü qholo nono kütüqhalimi toi ihozü ke.

JEREMIYA 2:23

No ye kishino ‘Ni ye Baal lhouqo lau wu püamo ke kitiqe mphi,’ ipini kea? Akhila lo o laghi julo; nono kiu mlave akeno ithilo, sayeshi lhothe no ngosümla no hile hule powu aketoi,

JEREMIYA 32:23

Panongu no tile ilo no ayeghi pükhalu. Ikemu panongu ye O tsa gholumo eno O yezah lo cheche moveke. Nono panongu pelo shi penike azah tsükeu kiumu shimove. Tighenguno Nono panongu shou amhekiqi hipaqo pukutsüe.

JEREMIYA 9:14

ikemu panongu no kuthovi ghi pano pulou pape wuve eno pano puasüqo no shika ketoi Baal lhouqo pape wuve.

AKIKIHI 25:3

Israelmi no hitoi Peor lo Baal mllauve kehu Ampeu ye panongu shou amloideve.

ZAKINIU 31:16

Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

ZAKINIU 4:25

“Kughou nongu no atianuli eno atilimi auveni eno aghakhu tile no kitemi shiveni keno, nongu no kiukiu julho mlakeu vecheo alhoksa shiuve, eno Ampeu nongu Lhou zülo kiu no kixikila keno shikeu lono Pa pelo axuidepe aye,

XAKUTHAMI 10:10

Ikehu Israelmi no Ampeu lau ighamku pi, “Ningu no O zülo küsakügha shivae, kughengu nino ni Lhou pheve no Baal mllauve ke.”

XAKUTHAMI 10:6

Itaghi Israelmi no Alhou zülo küsakügha shino Baal ngo Ashtaroth, Syriami, Sidonmi, Moabmi, Ammonmi, eno Philistiami lhouqo mllau khaveno Ampeu pheve no Pa huthu move.

XAKUTHAMI 13:1

Israelmi ye itaghi Ampeu zülo küsakügha shiuve, ikehu Ampeu no Philistiami pelo pano shou ampe lhobidi kutolo qhasüve pe.

XAKUTHAMI 3:12

Itaghi Israelmi no Ampeu zülo küsakügha shiuve kehu Ampeu no Moab kükau Eglon shikumto no Israelmi mjochilepe.

XAKUTHAMI 3:7

Israelmi no Ampeu zülo küsakügha shiuve eno Ampeu Alhou kümsümave no Baal ngo Asheroth mllauve.

XAKUTHAMI 4:1

Ehud thive kethiu, itaghi Israelmi ye Ampeu zülo küsakügha shiuve.

XAKUTHAMI 6:1

Israelmi no Ampeu zülo küsakügha shiuve kehu, Ampeu no panongu pesü ampe tsüni Midianmi u lo süvetsü.

XAKUTHAMI 6:25

Ampeu no tipa ji Gideon vilo pi, “O pu mishitsü lakhi, eno lakhiu no ampe tsüni mishitsü sawo o puw Baal kümlla khache tulave tsülo, eno tipau phivilo Asherah julho loqhive tsülo.

XAKUTHAMI 8:33

Gideon thive kemtsa, Israelmi ye itaghi idewo Baal mllauve no Baal-berith pesü pano lhou shive.

SAMUEL ATUGHIU 12:10

Panongu no Ampeu lau ighamku pi, ‘Nino axine shivae, kughengu ningu no Ampeu pheve no Baal ngo Ashtaroth qeuve. Ikemu itehi ni ghümi u lono ni xaphelu tsülo, tishi aye ningu no O qeni.’

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”

SAMUEL ATUGHIU 7:4

Ikehu Israelmi no Baal ngo Ashtaroth pheve no Ampeu likhi qeuve.