XAKUTHAMI 19:22 - Sumi Naga CL (Re-edited) Bible (BSI)

²² Panongu no chushove no alokughuno shi akelo aphughi lo timi lhoksami ighi no aki sühope ngoluve no ahukikha lo hepuku thuve. Eno panongu no velami vilo pi, “Timi khuu o kilo ighi keno, pa sasü ipeghi lo, ningu no pa ithinie.”

BAIBEL (BSI)

²² Panonguno chu-sho no alokughuno shi ngo akelono aphughi lo timi lhoksamino ighino aki suhu pesu ngoluve. Panonguno ahukikha kukhu eno ighamuku amchou vilo pi, “Itehi ogholo ighikeu timi hilau pipelo! Ningu ye pa sasu ashiaji kuqhani shi ani!”

XAKUTHAMI 19:22 Iomraidhean Croise

KUKAMI ATUGHIU 21:10

Eno küsaküghami kini pesü pa zülo küghüqa no pama pelo pa nguku pelo, ‘No ye Alhou ngo akükau ghushovae.’ Tishino pa sasü aphughi khalau ipe no atu pesü veqhive lo.”

EZEKEL 16:46

Eno o fo akichiu ye Samaria, khuu li ngaqo sasü o nguno ahuu küghüna acheni keno tihuke; o tsünipu ayitiu, khuu o nguno apeu küghüna acheni keno tihu ye Sodom eno li ngaqo ke.

HOSIYA 10:9

Gibeah ghuloki lono nongu ye axine shivae, O Israel; tilauno nongu ye kibe ighivae. Aghükishi no Gibeah lo achipikumomi haluve moni kea?

HOSIYA 9:9

Gibeah ghuloki lo toi panongu ye pano ampi shipixivae: Pa no panoqo xine kümsülu nani; Pa no tipau ghenguno panoqo ghime nani.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

2 Kor. 6:15

Khristo ye kiu lono tüghami sasü küqhalu nani kea? Momu küpülümi ye pülümokemi sasü kiu aqü shikulupu ani kea?

Jude 1:7

Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.

XAKUTHAMI 16:25

Kughou panongu no shomzüve keno ishi pi, “Samson kuphelo, eno pa pelo ningu lopivi tsü peni.” Ikehu panongu no akughuki lono Samson sasü ipeghi no pa pelo pano lopivi tsüpe. Panongu no pa pelo atsükucho kijeje kini dolo puthughope.

XAKUTHAMI 20:5

Ikelo Gibeah lo timiqo no I lau akümla lhoksa shinike ighi no putho lono aki sühope ngove. Panongu no I pithiveni ye shi, eno I nipu amishiu shipüthave no li ye tipau lono thive.

XAKUTHAMI 20:6

Ikehu I no I nipu khape wove no aleqhi shi ghithape Israelmi no amheghi shi küghüna akeu ghakhu kümtsü lo tsüpuwue. Kughengu timi hipaqo no Israel lo aphikümqhüpu eno axeküsü shike.

SAMUEL ATUGHIU 1:16

O qeliu ye ameküküha totimi kepi kihitsü kevilo, kughengu I kütakihi keu eno amlokighishi lono ni ye itehi kutolo atsa pi aphike.”

SAMUEL ATUGHIU 10:27

Ikemu ameküküha timi khami no pi, “Timi hipau ye kishino ningu xaluni kea?” Eno panongu no pa thogha no agho kiumu pa lau peighimo. Ikemu pa ye inaqhoive.

SAMUEL ATUGHIU 2:12

Eli nuli pama ye ameküha kemi. Pama ye Ampeu ithi moe.

SAMUEL ATUGHIU 25:25

I mpeu no ameküküha timi, Nabal hipau akhoto shitsü kevilo, kughengu pa ye pa je paphishi Nabal ke, ikehu mbomzü no pa lolo ani. Ikemu ni o qeu ye I mpeu no ow apumiqo puwu keqo ithumlae.