XAKUTHAMI 18:30 - Sumi Naga CL (Re-edited) Bible (BSI)

³⁰ Tishino Danmi no ajulho ghope qhive eno Moses nu Gershom nu Jonathan ngo pa nuliqo no Danmi gholo achinemi shiche. Panongu ye inami yeghi lo akughumi shi sawu moke kutolo achinemi shiche.

BAIBEL (BSI)

³⁰ Dan timiye asuatu julho shisuno mllanikeu kutoluve, ipuzu Jonathan khuu Gershom nu eno Muse tilimi keno pape lono Dan lagha ghenguno achineu shipenikeu shive, ikehu pa polo kughuko no timiqo sasu inami yeghilo akughu shiwumoke kutolo panongu chineu shicheke.

XAKUTHAMI 18:30 Iomraidhean Croise

KUKAMI AKINIU 15:29

Israel kükau Pekah ghuloki lono Assyria kükau Tiglath-pileser no ighi no Ijon, Abel-beth-maacah, Janoah, Kedesh, Hazor, Gilead, Galilee, Naphtali yeghi kümtsü leluve tsü, eno timiqo kughu sasü Assyria lo wuve.

KUKAMI AKINIU 17:18

Tighenguno Ampeu no Israelmi shou ighono amlo ideve no Pa zülono panongu ikhive. Judah shiaye kumo aye lakhimu qhimove.

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

KUKAMI AKINIU 17:22

Jeroboam no shikeu xine kümtsü Israelmi no shike. Panongu no tipa lono tsüghüve moe,

KUKAMI AKINIU 17:23

Ampeu no Pa zülono panongu hapheve moke kutolo panongu no tishike, ti ye Ampeu no Pa qemi tungkupmi vecheo pikeu kiqi lono ke. Hitoi Israelmi ye pano yeghi lono Assyria yeghi lo kügha sawuve no ishi kutolo achephi.

IPEKULU 18:3

li gholo anu kini ghi puwove. Anu anoghiu je no Gershom (kughengu pa no pi, “Ni ye inami yeghi lo kachenami shi ighivae”),

IPEKULU 2:22

Li no pa lau anu lakhi punu tsü, eno pa no pa je pesü Gershom kuvetsü, kughengu pa no pi, “Ni ye inami yeghi lo kachenami lakhi ke.”

IPEKULU 20:4

“Nongu ye no sala ajulho mlape qhimoni, momu kunguu atsütsü lo momu aqhou ayeghi lo momu ayeghi qhou azü lo kiu kimihimu mlape qhimoni.

ACHINE 26:1

“Asü-atu julho, atsükucho momu atu yekütha koghe mlape tipa zülo itsaqi moni, kughengu Ni ye Ampeu nongu Lhou ke.

ZAKINIU 27:15

“‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

ZAKINIU 31:16

Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

XAKUTHAMI 13:1

Israelmi ye itaghi Ampeu zülo küsakügha shiuve, ikehu Ampeu no Philistiami pelo pano shou ampe lhobidi kutolo qhasüve pe.

XAKUTHAMI 17:3

Pa no ghükayi hu pesü paza tsüchile kelo li no pi, “Ghukusho I nu shou iku pemoni ke I no ghükayi hipaqo pesü Ampeu lau tsüve ani. Hipau pesü no ajulho ngo ghükayi julho mla peni. Ikehu I no o tsüchileve ani.”

XAKUTHAMI 17:5

Micah ye pa kümlla khache ache, ikehu pa no Ephod ngo aki lhouqo mla no pa nuli lakhi pelo pa chineu kümla shipe.