XAKUTHAMI 18:29 - Sumi Naga CL (Re-edited) Bible (BSI)

²⁹ Eno tipau pesü Dan ipi pano pasü je lono kukideve. Ikemu atüghü loye Laish ipi cheke.

BAIBEL (BSI)

²⁹ Panonguno aje ghi Lais pe panosu Jakob nu jelono Dan ipi kukideve.

XAKUTHAMI 18:29 Iomraidhean Croise

BOTHUBO 14:14

Kughou Abram no pa sholokumi küghape wuvae pi chilu keno, pa no paw timi qopheve kemi, pa ki lono punu kemi, aqolo 318 sasü Dan kutolo hawue.

BOTHUBO 30:6

Tile Rachel no pi, “Alhou no I ghenguno küghatha tsüe, Pa no I sütsa ghi chilu tsüno anu lakhi I tsüvae.” Tighenguno li no pa je Dan kutsü.

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

SAMUEL AKINIU 17:11

Ikemu I kükümsü ye Beersheba lono Dan kutolo Israelmi kümtsü azüghi lo asaye toi o lau hekütsü pelo eno no ampi no aghüshi lo wulo.

KUKAMI ATUGHIU 15:20

Ben-hadad no ti chilu no paw ghüshimi zatsümi pesü Israel phughi hipaqo levepe, Ijon, Dan, Abel-beth-maacah, eno Chinneroth gholo Naphtali yeghi kümtsü.

JEREMIYA 8:16

“Dan lono khurshiqo no igha keu chilu ani; panongu no ngosü mlano akeu sütsa no ayeghi süküghütha ani. Panongu no mishighüna lo ighi no ayeghi eno tile küakini akeu püghave tsüae.

ZAKINIU 34:1

Tithiu Moses ye Moab qa lono chesü Nebo Toghi lo iqhove, eno Jericho ghüngü lo Pisgah kütsüqa lo ikuve. Tilauno Ampeu no Gilead lono Dan kutolo, aghakhu pa piye,

JOSHUA 19:47

Kughou Danmi yeghi Leshemmi no hakho luvetsü keno panongu no iqho no tipaqo sasü aghüshi eno azütakikihi pesü kütsave tsü eno tile xüsüve. Panongu no Leshem phughi pesü pano pasü je kiqi lono Dan ipi kuvetsü.

XAKUTHAMI 18:7

Pano pungu no wuve no Laish lo ighi. Panongu no tile timiqo no xüakeu ithulu: kishi sükusho kivi lo xüani, eno kishi Sidonmi xüghola lono iqüghai pülüküpsa kühano acheni keno ithulu. Panongu ye kinikülü shi ayeghi lo thime kiumu püqü mono xüaghi; Sidonmi launo ala sheshulo akemi eno khunomu sasü kütshükime mono aghie.

XAKUTHAMI 20:1

Tithiu Israelmi kümtsü no hekütsü, Dan lono Beersheba kuto, eno Gilead yeghi ghi Ampeu zülo lakhi shi Mizpah lo kumqo.