XAKUTHAMI 18:10 - Sumi Naga CL (Re-edited) Bible (BSI)

¹⁰ Kughou nongu no ti toni keno, nongu no timi pülüpüsamo kemi sholu nani. Aghakhu tipau ye ililai ani eno tilau ye ayeghi lo thime kiumu püqü keu kühae. Alhou no nongu u lo süve tsüae.”

BAIBEL (BSI)

¹⁰ Kughou nonguno tipa-a tonikeno, timiqoye kitilamu pulu pusakeu nonguno ithulumo nani. Hiye ighono aghakhu kije lakhi; timi lakhino kiu lunishi anikeno kumtsu ithukulu a yeghike eno Alhou no hipau pesu nongu tsuvae.”

XAKUTHAMI 18:10 Iomraidhean Croise

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

EZEKEL 20:6

Tipa tsalani I no panoqo vilo, I no Egypt yeghi lono panoqo saipeghi no ayeghi panoqo ghenguno phu püakeu, akichhizü ngo akhingozü no qowu akeu yeghi, ayeghi kümtsü nguno ajuküvü yeghi lo sawuni kepi ashoqhi shike.

ZAKINIU 2:29

I no Jordan kathasü Ampeu ni Lhou no tsü akeu yeghi lo ilo moke kutolo Esau lagha no Seir lo, eno Moabmi no Ar lo pulotsü ketoi shitsülo.’

ZAKINIU 4:1

“Itehi I no nongu shika akeu khuaye ngo pimheye papelo, tishikeu lono Ampeu no puasü Lhou no nongu tsü akeu yeghi lo ilolu nani.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

JOSHUA 2:23

Tithiu pama ye idewove. Pama no atoghiqo lono iqighi no kathasü Nun nu Joshua lau ighi no pa vilo thokha kishekulu shi pi.

JOSHUA 2:24

Pama no Joshua vilo pi, “Kuchou no Ampeu no ayeghi kuchopu pesü ni tsüvae. Eno tile küami kümtsü no ningu msa auvae.”

JOSHUA 6:16

Eno ghuthu akütsüniu homxave kemtsa achinemi no afuko ighave kethiu, Joshua no timiqo vilo pi, “Ighalo, kughengu Ampeu no mishighüna hipau nongu tsüvae.

XAKUTHAMI 18:11

Ikehu Zorah ngo Eshtaol lono Dan shiaye pano 600 aghüshi nanu xapusü wuve.

XAKUTHAMI 18:27

Ikemu Danmi no Micah no mlakeu lhou ngo pa chineu sasü Laish lo timi iqüghai eno kütami pülüpüsamo keqo lau ighi eno pano zütakikihi pesü tipaqo ghiqhive no mishighüna pitive tsü.

XAKUTHAMI 18:7

Pano pungu no wuve no Laish lo ighi. Panongu no tile timiqo no xüakeu ithulu: kishi sükusho kivi lo xüani, eno kishi Sidonmi xüghola lono iqüghai pülüküpsa kühano acheni keno ithulu. Panongu ye kinikülü shi ayeghi lo thime kiumu püqü mono xüaghi; Sidonmi launo ala sheshulo akemi eno khunomu sasü kütshükime mono aghie.

XAKUTHAMI 18:9

Panongu no khochile, “Ithulo, ningu wuno Laish leni, kughengu nino ayeghi ithuluvae, ighono alo ani. Nongu ye kiumu shimo keshea? Tilau wuno ayeghi lenike qeinai kevilo.