XAKUTHAMI 17:3 - Sumi Naga CL (Re-edited) Bible (BSI)

³ Pa no ghükayi hu pesü paza tsüchile kelo li no pi, “Ghukusho I nu shou iku pemoni ke I no ghükayi hipaqo pesü Ampeu lau tsüve ani. Hipau pesü no ajulho ngo ghükayi julho mla peni. Ikehu I no o tsüchileve ani.”

BAIBEL (BSI)

³ Pano pisa hu pesu paza tsuchile kelo lino pi, “Ghushokeu ngusu inu shou ikupemo nike ghenguno, ino tsandiyi hipaqo pesu AMPEU lau tsuve ani. Hipau pesuno asuno shikeu lhou tsandiyino nhape qhikeu shilu peni. Ino tsandiyi muno hipaqo pesu otsuchileve ani.”

XAKUTHAMI 17:3 Iomraidhean Croise

YEKIKITHI AKINIU 33:7

Pa no ajulho mlape Ampeu kilo qhi, tipa ki vehulo Pa no David ngo pa nu Solomon vilo pi, “Israel shiaye kümtsü dolono I no kishelu keu, aki hipau lo eno Jerusalem lo, I no I je pesü alhokupuju ghenguno qhi nani,

IPEKULU 20:23

I gholo ngono nongu ye ghükayi lhouqo mla moni momu nongu sala ameshoyi lhouqo mla moni.

IPEKULU 20:4

“Nongu ye no sala ajulho mlape qhimoni, momu kunguu atsütsü lo momu aqhou ayeghi lo momu ayeghi qhou azü lo kiu kimihimu mlape qhimoni.

IPEKULU 34:17

“Nongu ye ayi pesü kiukiu lhou mu mla moni.

ISAIAH 30:22

Tishino now ghükayi ngo ameshoyi no shikeu julhoqo vilo nongu no, “Chevelo” ipi shipünha nani. Nongu no tipaqo ikhipe mithekumo thime paphishi peve nani.

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

JEREMIYA 10:8

Panongu ye anikha eno mbomzüe; ajulhoqo kükütsütsa ye asü paphie!

ACHINE 19:4

I qhive no ajulho mlla kevilo; ayi pesü alhou julho shisü no tipaqo mlla kevilo: Ni ye Ampeu nongu Lhou ke.

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

ZAKINIU 12:3

Pano kiptiaqo tulaqhive tsülo eno atsükucho ngo Asherim julho kubove no pitive tsülo. Pano lhou julhoqo micheve tsülo eno a-a tipau lono panongu je pühave tsülo.

ZAKINIU 27:15

“‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

XAKUTHAMI 17:13

Micah no pi, “I no ithi anike itehi ye Ampeu no I kümghatsü nani kughengu Levimi no I gholo achineu shivae.”

XAKUTHAMI 17:2

Pa no paza vilo pi, “Ow ghükayi 1,100 püka süwuve kelo nono ghusho no I vilo pi keu hu julo, ghükayi tipau Iw lo ani; I no luveke.” Pa za no pi, “Ampeu no I nu kümghatsü peni.”

XAKUTHAMI 17:4

Tishino pa no tipau paza tsüve. Li no ghükayi 200 pesü ayi kiyiqimi lakhi pelo ajulho ngo ghükayi julho mla phevepe. Ti ye Micah kilo ghope qhivetsü.

XAKUTHAMI 18:30

Tishino Danmi no ajulho ghope qhive eno Moses nu Gershom nu Jonathan ngo pa nuliqo no Danmi gholo achinemi shiche. Panongu ye inami yeghi lo akughumi shi sawu moke kutolo achinemi shiche.

XAKUTHAMI 18:5

Panongu no pa vilo pi, “Kimiyeno nino kicheghüzü shi wuche keu ye tolu nani kemo keno Alhou vilo iniju tsülo.”