XAKUTHAMI 15:14 - Sumi Naga CL (Re-edited) Bible (BSI)

¹⁴ Pa no Lehi lo ighi kelo Philistiami no posü pa küdau ighamku ighi. Paikhavi Ampeu küka no pa shikumto luve no akighikipili pa phiau tsügha püakeu ye ami no pitive keshi ichonhei itaiqive.

BAIBEL (BSI)

¹⁴ Pano Lehi toluke mtsa, Filistiyami no posu pa kudau ighamuku ighi. Paikhavi lono AMPEU kuka no pa shikumtoluve eno akighi kipili pa phi au tsugha puakeu hu ayethili amino pitivekeshi kumu akumchho shimono sutha pevetsu.

XAKUTHAMI 15:14 Iomraidhean Croise

JOB 20:5

Kixikilami lokivi ye ado ikholo, Alhou kümthami mlokiqi ye asüchedo lakhi likhie.

LESHELE 118:11

Panongu no I veho luve, aqha kümtsü lono I veho luve; Ampeu je lono I no panoqo kütsave.

LESHELE 18:34

Pa no aghüshi ghenguno I u qophetsü, tigheno I u no shexilika lakhi sükuholue.

IPEKULU 14:3

Kughengu Pharaoh ye Israelmi vehulo ishi pi nani, ‘Panongu ye aghakhu lo itsü chephie; asayeqha huno panoqo vekhape qhivae.’

IPEKULU 14:5

Kughou Egypt kükau vilo timiqo ye povae pi keno, pa ngo pa qemi mlo ye kilive, eno panongu no pi, “Ningu ye Israelmi pelo ni qe achekeu lono wuvepe keu hi ye kiu shive akea?”

MICAH 7:8

I shou alovi akevilo, O I ghümi; kughou I no ikiqiveni keno, ni ye ithughive nani; kughou I no aküzü lo ani keno, Ampeu no I küvü shi nani.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

FILIPIAMI 4:3

Iyei, I gholo kicheu pükhükuluu vilo ghi I no pi anike totimi hipama kuphu tsülo, kughengu pama ye Clement ngo I küsami kütami gholo küqhano atsakiviu kümlapu lo I sasü lakhi shi ime cheke, panongu je ye aküxüpu Kaku lo ani.

XAKUTHAMI 14:19

Tileno Ampeu Ghungu no pa shou ikughive, eno pa no Ashkelon lo iqi no tile xüküami shighi heqhive no pano phiminiqo hakho pewo sülekutho pikeqo tsüve. Pa ye ighono amloidesü papu kilo idewove.

XAKUTHAMI 14:6

Paikhavi Ampeu Ghungu no pa lolo iloghive, eno pa no au kümsano aneti lakhi süla akeshi abongshuu sülatha pinyive. Ikemu pa no kiu shive keno tipau ghili pa puaza vilomu pimoe.

XAKUTHAMI 15:13

Panongu no pi, “Moe, ningu ye o heqhimoe, ikemu o tshüpe panongu u lo süve tsüke likhi shini.” Ikehu panongu no akighikipili akithe kini no pa tshüpe atuxu lono khape iqhoghi.

XAKUTHAMI 15:9

Philistiami no ighi no Judah lo aghazü shino Lehi le thuve.

XAKUTHAMI 16:12

Ikehu Delilah no akighi kithe pesü pa phedave. Tishino li no pa vilo pi, “Samson, Philistiami ye o lau cheae!” Pa leni keqo ye achebo alou lo ngoae. Ikemu pa no akighi hu ayeho sütha ketoi pa u lono süthave tsüe.

XAKUTHAMI 16:24

Kughou timiqo no pa ithulu keno, panongu no pano lhou sheqhe no pi, “Ni lhou no ni ghümi ni yeghi shiküpsau khuu no ni timi kutomo pithive tsü keno, pa pesü ni u lo süve tsüae.”

XAKUTHAMI 16:9

Li no timi khami pesü achebo kütau lono ngokhepe. Li no pa vilo pi, “Samson, Philistiami ye o lau cheae!” Ikemu Samson no shexilika kighi, ayeho no ami diluke toi süthave tsü. Ikehu paw tuqhou kumto kiu lo akeno mthave.

XAKUTHAMI 3:10

Ampeu Ghungu no pa shou ikughi eno pa no Israelmi shou xaküthau shive. Pa no aghüshi lo wukelo, Ampeu no Cushan-rishathaim, Mesopotamia kükau pesü pa u lo süvetsü. Pa no Cushan-rishathaim shou toluve.

XAKUTHAMI 5:30

‘Panongu ye hakhokulu phulu no kije lumphi keshea? Timi lakhi ghenguno ilimi lakhi momu kini hu; Sisera ghenguno aphimini kivi, akuo ghenguno aye shisü keu jukivi phi hakholu keu ithulu mphi keshea?’

SAMUEL ATUGHIU 10:10

Kughou panongu no Gibeah lo ighi keno, julo, tungkupmi amqo lakhi no pa sholu, eno Alhou Ghungu no pa shou ikughive no pa ye panongu gholo tungkuptsa pi.

SAMUEL ATUGHIU 10:6

Tileno Ampeu Ghungu no o shou ikughi no no ye panoqo gholo tungkuptsa pi nani eno timi kütami toive nani.

SAMUEL ATUGHIU 11:6

Kughou pa no atsa hipaqo chilu keno, Alhou Ghungu no Saul shou ikughi, eno pa xukighide kije shikitheve.

SAMUEL ATUGHIU 17:35

I no apape wuno heqhive püzü pa kichi lono ambe xaphe luve cheni. Tsala pa no ithu I mjochile aye, I no pa kichimhi lono tsüqüpe heqhive cheni.

SAMUEL ATUGHIU 4:5

Ampeuw Puloshoqhi Bohu aghazü lo ighive kemtsa Israelmi kümtsü no aghügha kije lono igha, tishi kehu aghügha no ayeghi kuchopu veküphave.