XAKUTHAMI 14:3 - Sumi Naga CL (Re-edited) Bible (BSI)

³ Ikemu papu ngo paza pama no pi, “Ni limi dolo momu ni shiaye dolo totimi kühave akesheno kushiye no ye aphighüyiko ghamo kemi Philistiami lau o nipu phuwu ani kea?” Ikemu Samson no papu vilo pi, “Li ye I ghenguno achipi shi anike li lu saghi tsülo.”

BAIBEL (BSI)

³ Ikemu papu ngo paza pama no pa iniju, “Noye kushiye ayehkumthami Filistiyalimi pesu onipu shinike kumsu anikya? Noye ni lagha alimi lakhimu phumlave akeshea?” Ikemu Samson no papu vilo pi, “Ino lunishi kutu akeuye noye ighenguno wuno initsulo.”

XAKUTHAMI 14:3 Iomraidhean Croise

BOTHUBO 13:8

Tileno Abram no Lot vilo pi, “Nikujo dolo eno o tsü-aqu khemi ngo I tsü-aqu khemi dolo mtomshu ape kevilo, kughengu ningu ye abolomi ke.

BOTHUBO 21:27

Ikehu Abraham no ambe ngo amshitsü hasawo Abimelek tsüno pama visho shive.

BOTHUBO 34:14

Panongu no pama vilo pi, “Ningu ye ni chepu pesü milakhi aphighüyiko ghamo kemi tsüveni keu ye shimlae, kughengu ti ye ni ghenguno küthaküghapu shive nanie.

SAMUEL AKINIU 1:20

Gath lo hipau pi kevilo, Ashkelon laghila lo hipau asheshu kevilo, tikumo aye Philistiami ilimi no alovi aphighüyiko ghamo kemi no alokivi shilu nosae.

JOSHUA 23:12

Tsala nongu no idewove no hi ghüluve kemi shiye nongu dolo küghüna akeqo sasü kütshükungo luve, pano sasü külakupu shikileve, eno tishikeu lono nongu ngo panongu kitekungo xüuve aye,

XAKUTHAMI 14:2

Pa no aki lo ideiqho papu ngo paza pama vilo pi, “Philistiami ilimi lakhi Timnah lo I no ithulue, ni ye li sasü külakupu shinishi anike li saghi tsülo.”

XAKUTHAMI 15:18

Samson ye ighono tüghüthive, ikehu pa no Ampeu vilo pi, “Nono xakulu kije hipau pesü o qeu tsüe, ikemu itehi ni ye atüghü no thive cheake aphighüyiko ghamo kemi Philistiami u lo iloveni keshea?”

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”

SAMUEL ATUGHIU 31:4

Ikehu Saul no pa ghünanu kupuu vilo pi, “O zütakikihi pesü I jiqhive lo, tikumo aye aphighüyiko ghamo kemi no ighi no I kijipüsa no pithive nosae.” Ikemu pa ghünanu kupuu no tishi moe, kughengu pa ye shishe msave. Tighenguno Saul no pa zütakikihi ikhilu no tipau shou ikiqi iku thive.