XAKUTHAMI 13:6 - Sumi Naga CL (Re-edited) Bible (BSI)

⁶ Totimi huno li kimi vilo pi, “Alhou timi lakhi I lau ighi, pa jukelo Alhouw kungumi toi ighono qhivütsünyi. Pa ye khila no ighi keno ni ye iniju move eno pa ghi pa je I vilo pimoe.

BAIBEL (BSI)

⁶ Tileno atopuu huno wuve no likimi vilo pi, “Alhou wu timi lakhi ilau ighi eno pa jukelo paye Alhou wu kungumi shi aghinani kughengu ighono qhivutsuniyi paju ithulue. Niye paye khikudauno ighikeno inijumove eno pa ghi paje ivilo pitsumoe.

XAKUTHAMI 13:6 Iomraidhean Croise

BOTHUBO 18:2

Pa no pa nhethi tsüpuku jukelo timi küthü pa zülo puthugho aghi. Kughou pa no panoqo ithulu keno, pa no panoqo sholu niye aphiki hukikha lono posü wuno ayeghi lo pishiqho luve

BOTHUBO 32:29

Jacob no pa je ighiju, “Kimiyeno I vilo o je pilo.” Ikemu pa no pi, “Kushiye I je ighiju ani kea?” Eno tishino pa no pa kümghatsü.

KUKAMI ATUGHIU 17:18

Li no Elijah vilo pi, “O Alhou timi, no ye I shou kiu shi ani kea? No ye I pelo I xine kümsüchile luno I nu pithive niye I lau ighi anino lae!”

KUKAMI ATUGHIU 17:24

Atopuu no Elijah vilo pi, “No ye Alhou timi kepi itehi ye I no ithivae, eno Ampeu tsa o kichi lo akeu ye kuchoue.”

KUKAMI AKINIU 4:16

Pa no pi, “Toku hipa ghuloki lo no ye anu lakhi khape nani.” Li no pi, “Moe, I mpeu, O Alhou timi; o qeliu pishiqhi kevilo.”

KUKAMI AKINIU 4:9

Li no li kimi vilo pi, “Hi julo, timi khuu alhokuthu ni katha acheni keno, pa ye Alhou timi kepi I no ithi ani.

IPEKULU 3:2

Eno Ampeuw kungumi no asüminipho mta lono ami mili lakhi shi pa lau ipeghi. Pa no ithulu eno julo, asüminipho ye iqü aghi, ikemu tipau ye piti pühave moe.

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

DANIEL 10:11

Pa no I vilo pi, “O Daniel, shishe kimiye chekeu, I no o pütsa akeu tsa vethalulo, müzüchoi puthugho lo, kughengu itehi o lau I puwu ani.” Kughou pa no hipa tsa I vilo pi keno, ni ye msakhokhoshi puthughove.

DANIEL 10:5

I no I nhethi tsüpuku ju keloye julo, timi lakhi aphi kümtsha pepusü aghi, pa ye Uphaz lo ameshoyi akiviu no shikeu pokha no pa chita khapu ae.

DANIEL 8:17

Ikehu pa no I no khile puthugho akeno tile ighi. Kughou pa no ighi keno, ni ye msave eno I gi pishiqho luve. Ikemu pa no I vilo pi, “O timi nu, kungunhetsü hu ye ashekha ghuloki ghenguno kepi vethalulo.”

Luke 1:19

Kungumi huno pa khochile, “Ni ye khuu Alhou zülo puthugho cheni keno, Gabriel huke, eno atsakiviu hipau pesü o lau süghi no o pütsa penike I puwue.

Luke 9:29

Pa no inikhu akelo, pa gi ye thosü ju kumove no pekilive, eno pa phimini no phuphushi metsüghoi ilhouve.

Apostolmi 6:15

Hoho mpemi kümtsü no thüghüi pa jukelo pa gi ye kungumi gi toi ithulue.

ZAKINIU 33:1

Kükümgha hipaqo ye Alhou timi Moses no thivenike zülono Israelmi shou pipuku tsüke.

1 Tim. 6:11

Ikemu, no Alhou timi, no ye hipaqo lono polulo. No ye amikucho, Alhou sükümsa, aküpülü, kikimiye, ithamokeu, akümtsha püzülo.

JOSHUA 14:6

Tithiu Judah shiaye lono timi khami Gilgal lo Joshua lau ighi. Kenizimi Jephunneh nu Caleb no pa vilo pi, “Kadesh-barnea lo Ampeu no kiu nikujo ghenguno Alhou timi Moses vilo pi keno, nono ithi ani.

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

XAKUTHAMI 13:10

Ikehu li no mtazü posü li kimi vilo pi, “Julo, timi khuu ishiküthüni I lau ipeghi keno, itaghi I lau ighi ani.”

XAKUTHAMI 13:22

Pa no pa nipu vilo pi, “Nikujo ye Alhou ithuluve akeke thiveni pütsae.”

XAKUTHAMI 13:3

Ikelo Ampeuw kungumi no li lau ipeghi no pi, “Julo, no ye anuhami eno atianuli küha no ighivae, ikemu no ye mishiniae eno anu lakhi punu nani.

XAKUTHAMI 13:7

Ikemu pa no I vilo pi, ‘Julo, no ye mishipuve no anu punu nani. Ikehu kiukiu tsaizü momu akümka ji pinamu sho kevi, eno mithekumo chuqupu chu kevilo, kughengu anu ye atita lono pa kithi tsala kutolo Alhou lau ikhiphepe tsüve kemi Nazirmi shinani ke.’”

XAKUTHAMI 13:8

Tile Manoah no Ampeu lau inikhu, “O Ampeu, Nono Alhouw timi puwu keu pelo ni lau itaghi ighi pelo eno anu punu niye akeu hu kishi saputhuni keno ni shika piyetsü pelo.”

XAKUTHAMI 6:11

Tipa ghuloki lo AMPEUw kungumi lakhi no ighi no Ophrah lo Abiezer laghami Joashw aphisübo qholo ngove; pa nu Gideon ye Midianmi launo küsüve niye atsaizü kütsüghü-a lono ashothi munu ae.

SAMUEL ATUGHIU 2:27

Alhouw timi lakhi no Eli lau ighi no pa vilo pi, “Ampeu no ishi piani, ‘Kughou nongu puasüqo no Egypt lo Pharaoh kibolomi qholo ache keno mtsüqheino I no I kutoshino o pu lau ipeghi kekumo keshea?

SAMUEL ATUGHIU 9:6

Ikemu pa no pi, “Julo, mishighüna hipau lo Alhou timi lakhi ani, eno pa ye agigihu akemi; pa no pikeu kümtsü kuchou shive cheni. Tighenguno itehi nikujo tilau wuni. Nikujo no wukepu laghi pa no kichepiye luvike.”