XAKUTHAMI 13:5 - Sumi Naga CL (Re-edited) Bible (BSI)

⁵ kughengu julo, nono mishipuve no anu punu nani. Khilemu pa kütsüsa miyetsü kevilo, kughengu pa ye atita lono Alhou lau ikhiphepe tsüve kemi, Nazirmi shinani, eno pa no Philistiami launo Israelmi xaluni keu kümla huthu nani.”

BAIBEL (BSI)

⁵ ipuzu onu punuve kethiu, khilemu pa kutsusa miye tsukevilo, kughengu pa punu ke tsala lono huthusu paye Alhou lau ikhiphe pesu Nazario shiniae. Pano Filistiyami lau no Israilmi ikhiphe lunikeu kumla huthu woniae.”

XAKUTHAMI 13:5 Iomraidhean Croise

SAMUEL AKINIU 8:1

Hipa thiu David no Philistiami theqhive no qhasü luve, David no Philistiami u lono Metheg-ammah luvetsü.

YEKIKITHI ATUGHIU 18:1

Hipa thiu David no Philistiami theqhive no panongu ghüsüve, eno pa no Gath ngo tipaqha lo aphu akeqo kümtsü Philistiami u lono luvetsü.

AMUS 2:11

Nongu nuli khami tungkupu shi peniye I no saputhu, eno apumi khami no Nazirmi shi peniye saputhuke. Tishike kumo, O Israelmi?” ipi Ampeu no shuphe.

AKIKIHI 6:5

“Pa no kütüta shipe akeu shoqhi lo ake tivilo aqe pesü pa kütsüsa dimoni. Pa no khikutolo pa kütashi Ampeu lau anikeu piqhi keno tipa do tomoke kutolo pa ye akimthe shini. Pa ye akütsüsa kipili kushuo qhini.

Luke 1:15

kughengu pa ye Ampeu zülo kije shi nani. Pa ye khilemu aji momu shomzü kepu aji kümka yemo nani, eno pa ye aza polo aphi lono Aghungu Kimthe no chhitoi nani.

XAKUTHAMI 16:17

Ikehu pa no ashekha loye paw tuqhou kümtsü li vilo pive. “Aqe pesü khilemu I sa miye mphi, kughengu ni ye I za tita lono Alhou lau tsüve kemi, Nazirmi shive ake. Tsala I kütsüsa miyeve aye, I küka ye I qhive nani eno ni ye miqemleive no timi kütami toive nani.”

SAMUEL ATUGHIU 1:11

Li no ashoqhi lakhi shino pi, “O aqokitikhi Mpeu, tsala Nono o qeliu ghime jutsü eno o qeliu kümsümave tsümo no anu lakhi pesü o qeliu tsü aye, I no pa pesü aküxü kupuju ghenguno Ampeu lau tsüveni eno aqe pesü pa kütsü lo bemoni.”

SAMUEL ATUGHIU 7:13

Philistiami ye ghüsüve eno itaghi Israelmi ghuthu lo iloghi move. Samuel no xüake tivilo Ampeu no Philistiami mjochile che.