XAKUTHAMI 11:18 - Sumi Naga CL (Re-edited) Bible (BSI)

¹⁸ “Tishino panongu ye asayeqha kathasü Edom ngo Moab yeghi homxa wo Moab yeghi kipelau Arnon ghoki kukuu aghazü shike. Ikemu panongu ye Moab yeghi lo ilomoe, kughengu Arnon ghoki no Moab ghuthu shi acheke.

BAIBEL (BSI)

¹⁸ Tishi puzu panonguye asaye yeghi hechesu Edom eno Muab yeghi hemxasu wuno Arnon Ghoki tuxau Muab yeghi kipelau wo toluke. Panonguye tile aghazu shilukemu Arnon ye kathamoe, kughengu tiye Muab ghakhuke.

XAKUTHAMI 11:18 Iomraidhean Croise

AKIKIHI 20:22

Israelmi no Kadesh lono izüsü Hor Toghi lo ighive.

AKIKIHI 22:36

Balaam ighivae pi Balak no chilu kelo pa no Arnon lughi phivilo Ar phughi lo pa sasü kushoni ye wu, ti ye Moabmi lughi shekhau ke.

ZAKINIU 2:18

‘Ishi no nongu ye Ar lono Moab lughi kathani.

ZAKINIU 2:24

‘Ithu no Arnon Khila lo wulo. I no Heshbon lo Amorimi kükau Sihon eno pa ghakhu pesü nongu u lo süve tsüae. Ilo qhasü lulo eno pa sasü aghü shilo.

ZAKINIU 2:9

Ampeu no I vilo pi, ‘Moabmi sasü aghüshi kevilo, kughengu I no Ar pesü Lot mheghi shitsü kehu Ni ye pano yeghi kitilamu nongu tsümo nani.’