XAKUTHAMI 1:4 - Sumi Naga CL (Re-edited) Bible (BSI)

⁴ Tishino Judah no iqho eno Ampeu no Canaanmi ngo Perizimi panongu u lo süvetsü, eno panongu no Bezek lo timi 10,000 theqhive.

BAIBEL (BSI)

⁴ Juda shiyeh kuqhano aghushiqa lo wu. AMPEU no Kananmi ngo Perizimi shou tokulu pe panongu tsu eno Bezek ghushiqa lono panonguno 10,000 shou tokulu shilu.

XAKUTHAMI 1:4 Iomraidhean Croise

KUKAMI ATUGHIU 22:15

Kughou pa no akükau Ahab zülo ighi keno akükau no pa vilo pi, “Micaiah, ningu ye Ramoth-gilead lewu kepu kema?” Pa no khochile, “Iqho lo, eno tokulu shilo; Ampeu no tipau pesü akükau u lo süvetsü nani.”

KUKAMI ATUGHIU 22:6

Israel kükau no tungkupmi 400 qhalo kukütsü no pi, “Ni ye Ramoth-gilead lewu kepu kema?” Panongu no pi, “Lewulo, kughengu Ampeu no tokulu akükau tsü nani.”

LESHELE 44:2

No ampi no shiyeqo hapheve, eno ni puasüqo shosüve; Nono ashiayeqo ghimeqhi, ikemu ni puasüqo khaqhi pheve;

LESHELE 78:55

Pa no panoqo zülono shiyeqo hapheve tsü; Pa no amheghi panoqo sala kutotsü eno Israel shiayeqo pelo pano phiki lo küghüna luvepe.

ZAKINIU 7:2

eno kughou Ampeu nongu Lhou no tipaqo nongu u lo süve tsüno nongu no tipaqo leluveni keno, nongu ye kümtsü kütsave masae. Nongu ye pano sasü puloshoqhi shimoni eno kimiyekini piye moni.

ZAKINIU 9:3

Tighenguno ishi tsala lo hi ithilo, khuu amiküqü toi nongu züu cheni keno, Pa ye Ampeu nongu Lhou ke. Pa no nongu zülono panongu kütsave no qhasüve nani. Pa no nongu vilo piqhive ketoi, nongu no panoqo hapheve no paikhavi püghave nani.

XAKUTHAMI 1:3

Judah no pa thiküzüu Simeon vilo pi, “Ayeghi kothape I tsü püakeu kutolo I gholo iqhoghi lo eno kümtsa küqhano Canaanmi sasü aghü shini. Titoi ni ghi o sasü ayeghi kothape o tsü püakeu kutolo wuni.” Ikehu Simeon no pa sasü wue.

XAKUTHAMI 1:5

Panongu no Bezek lo Adoni-bezek phulu no pa sasü aghüshi eno Canaanmi ngo Perizimi theqhive.

XAKUTHAMI 11:32

Tishino Jephthah ye aghoki kathasü ikuno Ammonmi sasü aghüshi thuve, eno Ampeu no tokulu pa tsüe.

XAKUTHAMI 3:5

Ikehu Israelmi ye Canaanmi, Hittimi, Amorimi, Perizimi, Hivimi, eno Jebusimi gholo kitekungo küghünauve.

SAMUEL ATUGHIU 11:8

Kughou pa no Bezek lo panoqo hekütsü keno, tile Israelmi timi lakh küthü eno Judahmi no timi qhethonhe shighi ighilu.

SAMUEL ATUGHIU 14:10

Ikemu panongu no, ‘Ningu lau ikughi lo,’ ipi aye, nikujo no ikuni kughengu ti ye Ampeu no panoqo pesü nikujo u lo süve tsüake. Ikehu hipau no nikujo michipu shini.”

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”