XAKUTHAMI 1:19 - Sumi Naga CL (Re-edited) Bible (BSI)

¹⁹ Ampeu no Judah gholo akehu pa no ato ghakhu kümtsü qhasü luve ikemu aqa lo küghüna akeqo ye haphe mlave kughengu tipaqo ye ayi no mlakeu khurkuluqo acheke.

XAKUTHAMI 1:19 Iomraidhean Croise

BOTHUBO 39:2

Ampeu no Joseph gholo ae, eno pa ye tokulu shiuve, pa ye pa mpeu Egyptmi kilo ngove.

BOTHUBO 39:21

Ikemu Ampeu no Joseph gholo ae eno Paw iqemokeu kikimiye pa piye eno akughu kheu nhethe lo pa kimiyeqhiyi ithulu pe.

SAMUEL AKINIU 5:10

David ye alau akumto shive, kughengu Ampeu, Aqokitikhi Lhou no pa gholo ae.

KUKAMI AKINIU 18:7

Tighenguno Ampeu no pa gholo ae eno pa no kiu shikeno ti kümtsü lo tokulu shilue. Pa no Assyriami kükau sasü kumgho eno pa huthumoe.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

LESHELE 46:9

Ayeghi shekha kutolo Pa no aghükishi kishekhave tsüe; Pa no shexilika ngo angupa hechheve tsü; Pa no khurkulu ami lono pitive tsüe.

LESHELE 60:12

Alhou gholono nino tolu nani; ni ghümi qodani keu ye Pa ke.

YETSAPIU 9:11

Itaghi I no hi ithulu, ayeghi lo pokuxu kelo akümthümi no tolu chenike kumoe, titoi akumtomi no aghüshi tolu, alokütsümi no asho ithulu, akighichemi no küakini ithulu, kighithimi no adokivi ithulu chenike kumoe, ikemu atüqhüdo eno adokivi ye kümtsü lau ighi cheni.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

FILIPIAMI 4:13

Khristo no I shikumto keu vecheo ni ye thokha shilu nani.

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

JOSHUA 14:12

Tishiaye itehi, tipa tsalani Ampeu no piqhikeu yeghi hu I tsülo, kughengu Anakimi no kishi aliwo kumto no mishighüna bothasü keu lo ache keno, tipa tsalani no ghi chilue. Ikemu Ampeu no I gholo ngono I no hupaqo haphe luve nanie pike.”

JOSHUA 6:27

Ampeu no titoi Joshua gholo ae eno pa jekipi no ayeghiqha kümtsü lo acheke.

JOSHUA 7:12

Tighenguno Israelmi ye pano ghümi zülo puthugho mlavae. Panongu no aghümi launo shothivae kughengu panongu ye pano ampi kütsaveni keu lo tsüvae. Nongu no kütsave kepu nhemgha kütsa moke kutolo Ni ye nongu gholo ngomae.

XAKUTHAMI 1:2

Ampeu no khochile, “Judah paghino iqho nani. Julo, I no aghakhu pa u lo süve tsüae.”

XAKUTHAMI 4:13

pa no paw ayi khurkulu 900 eno Harosheth-hagoyim lono Kishon ghoki kutolo paw timi kümtsü kukütsü luve.

XAKUTHAMI 4:3

Ikehu Israelmi no Ampeu vilo kuphu tsülopi ighamku, kughengu Jabin ye ayi khurkulu 900 ache eno pa no ampe muku ayiküsa shi Israelmi qhasü.

SAMUEL ATUGHIU 18:12

Saul ye David msave kughengu Ampeu no pa qhive no David gholo auveke.

SAMUEL ATUGHIU 18:14

Eno pa no shikeu kümtsü lo tokulu shilu, kughengu Ampeu no pa gholo ake.

SAMUEL ATUGHIU 18:5

David ye Saul no khile pa puwu keno tokulu shi, ikehu Saul no pa pesü ghüshimi shou atou shive. Eno hi ye timiqo eno Saul qemi zülo akivi shilue.