XAKUTHAMI 1:10 - Sumi Naga CL (Re-edited) Bible (BSI)

¹⁰ Judah no Canaanmi Hebron lo küghüna chekeqo sasü aghüshi no Sheshai, Ahiman eno Talmai laghaqo theqhive (Hebron ye inahuu ye Kiriath-arba ipi kucheghi).

BAIBEL (BSI)

¹⁰ Panonguno Hebron khikhi Kiriat Arba ipi kuche keno tipau phughi lo kughuna achekemi Kananmi sasu kumjo thuve. Tileno panonguno Sheshai, Ahiman eno Talmai laghaqo theqhiluve.

XAKUTHAMI 1:10 Iomraidhean Croise

BOTHUBO 23:2

Li ye Canaan yeghi lo Kiriath-arba (ti ye Hebron) lono thive, Abraham no wuno Sarah ghenguno mloqae.

BOTHUBO 37:14

Ikehu pa no pa vilo pi, “Itehi o mu noqo eno ambeloji ye akivi shi ani kemo keno juwulo, eno asütsa I lau süghilo.” Ikehu pa no Hebron Khila lono pa phepuwuve eno pa ye Shechem lo ideighive.

YETSAPIU 9:11

Itaghi I no hi ithulu, ayeghi lo pokuxu kelo akümthümi no tolu chenike kumoe, titoi akumtomi no aghüshi tolu, alokütsümi no asho ithulu, akighichemi no küakini ithulu, kighithimi no adokivi ithulu chenike kumoe, ikemu atüqhüdo eno adokivi ye kümtsü lau ighi cheni.

JEREMIYA 9:23

Ampeu no ishi piani: “Alokütsümi pelo pa lokütsü lo qhezape kevilo, akumtomi pelo pa kumto lo qhezape kevilo, kinimi pelo pa küakini lo qhezape kevilo,

AKIKIHI 13:22

Tipa züuno panongu no Negeb lo iqhove no Hebron lo ighi. Tile Anak kughukomi Ahiman, Sheshai eno Talmai laghami no küghüna acheghi. (Hebron ye Egypt lo Zoan nguno ampe tsüni züuno aphughi shiveke,)

AKIKIHI 13:33

Tinguno alau nino Anak laghami shishe sübosüghimi ghi ithulu, ikelo ningu ye panongu zülo tülhaqu qhemi toive, panongu ghi titoi ningu ithuluni cheke.”

JOSHUA 10:36

Joshua ngo Israelmi kümtsü no Eglon lono Hebron lo iqhove eno pano sasü aghüshi

JOSHUA 14:15

Tipa züu Hebron ye Kiriath-arba ipiche. (Arba ye Anakimi gholo akighicheu ke.) Eno tipa yeghi ye aghükishi lono akulho qhilue.

XAKUTHAMI 1:20

Moses no azah tsüke toi Hebron pesü Caleb tsüve eno pa no Anak nu pano küthü tile küghüna chekemi hapheve.

XAKUTHAMI 1:9

Tithiu Judah timiqo no Negeb ato yeghi lo eno aqa yeghi lo Canaanmi küghüna chekeqo sasü aghü shinike iqive.