Titus 2:14 - Sumi Naga CL (Re-edited) Bible (BSI)

¹⁴ Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

BAIBEL (BSI)

¹⁴ Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

Sümi Tiqhelimi Bible

¹⁴ pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

Titus 2:14 Iomraidhean Croise

BOTHUBO 48:16

kungumi khuu no alhoksa kümtsü lono I xachilelu keno, Pa no apu pama kümghatsü peniu; pama launo I je, I pu Abraham ngo Isaac je pewo peniu; eno ayeghi lo pama pelo aqokitikhi shi ikowolu peniu.”

LESHELE 130:8

Pa no axine kümtsü lono Israel qhüchilelu nani.

LESHELE 135:4

Kughengu Ampeu no Pa salashi Jacob kisheluke, Israel pesü Pa mheghi shike.

IPEKULU 15:16

O Ampeu, Ow timiqo no heche wumoke kutolo, Nono qhüluve keqo no kathasü wulu moke kutolo, akümsa ngo aküighüpu no panoqo shou ikughie; O u kumto ghenguno panongu ye atuqu toi inaqhoivae.

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

EZEKEL 37:23

Panongu ye pano julhoqo eno aphikümqhüpu thimeqo momu pano kipimi pesü pano shikitiqe move nani. Ikemu panongu no athiu idewove keu xine lono I no panoqo xalu nani, eno shikimtheve nani; panongu no Iw timi shive nani eno I no pano Lhou shive nani.

ACHINE 25:41

Tithiu pa eno pa tianuli ye o qhive no pano lagha eno amheghi lo idewoveni.

MALAKI 3:3

Pa no ghükayi ghukimthe eno thakimthe chekemi toi iqa nani, eno pa no Levi nuliqo shikimthe no ghükayi ngo ameshoyi toi panoqo ghukimthe nani, eno panongu no achipiu mikucho lono Ampeu lau akümllagho süghi nani.

AKIKIHI 25:13

tino pa eno pa limi pesü pülhapuju lo achinemi shiche peni keu puloshoqhi shivae, kughengu pa ye pa lhou ghenguno müamzü shi, eno Israelmi ghenguno lochile tsüke.’”

AKIKIHI 7:15

akipti kümllagho ghenguno amshitsü, ambetsü, ampe lakhi mbetsü, lakhikhi;

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

MATTHEW 20:28

Timi Nu thotsü huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

John 10:15

Apu no ni ithi eno I no Apu ithi aketoi ke; I no ambeqo ghenguno I küxü pephe tsüve cheni.

John 6:51

Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

Apostolmi 15:14

Alhou no kishi Pa je ghenguno Jewkumomi gholono timi khami kishelu keno, Simon no pivae.

Apostolmi 15:9

eno aküpülü vecheo pano mlo shikimthe tsüno ningu ngo panongu dolo kiumu kothakile keu shitsü moe.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Apostolmi 9:36

Joppa lo akhopemi totimi lakhi Tabitha, pekide kelo Dorcas ipikeu ae. Li ye akümla kivi eno kumlhomi tsükinimi ke.

Galatiami 1:4

pa no itehi tiqheli lhoksa lono ningu xaphe lunike ningu xine ghenguno pa ikhiphepe tsüve, ti ye ni Lhou eno Apu pulou kiqi lonoke,

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

ZAKINIU 14:2

Kughengu nongu ye Ampeu Alhou lau akimthemi, Pa no ayeghi lo ashiaye kümtsü gholono Paw timi shipenike nongu kishelue.

ZAKINIU 26:18

Eno ishi tsala lono Ampeu no piqhike toi nongu ye Paw akughupu mheghi kepi shuphevae, eno Pa zakütsü kümtsü pelu lo pivae.

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

ZAKINIU 7:6

“Kughengu nongu ye Ampeu nongu Lhou lau akimthemi ke. Ampeu nongu Lhou no ayeghi lo ashiaye kümtsü gholono Paw akughupu mheghi shou ampi shipenike nongu kishelue.

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

1 Tim. 2:10

eno kiu no Alhou ithitoi kemi totimi ghenguno aghibiu keno, akümla kivi gholono tishi penishie.

1 Tim. 2:6

pa no pa ampi pesü kümtsü ghenguno xakipheme shi tsüve, tino atüqhüdo achipi lono ashepe shi tsüke.

1 Tim. 6:18

Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

Titus 2:7

No ampi pesü thokha lo kichekipiye kivi shipe piyelo, o kükütsü lo akikhi eno agigihupu piyelo,

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 10:24

Ningu kishino lakhino lakhi hakuthope kimiye kile eno akümla kivi shiluni keno alomsüni nolo,

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.

1 Peter 1:18

kughengu nongu ye no puasüqo launo ighilu keu ameküküha laghi lono xaphelu kepi ithi ani, ti ye pühave kepu thime ameshoyi momu ghükayi pesü kumoe,

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,