Titus 1:9 - Sumi Naga CL (Re-edited) Bible (BSI)

⁹ Pa shikave ketoi pa ye pükhübekulupu tsa mtotoi tsüqülu masae, tishikeu lono pa ye mtsümishei keu külütsa pesü kütsüshika eno hekibidemi sakiyi lunani.

BAIBEL (BSI)

⁹ Paye ashepe tsa hu mutotoi pelu aghimasae tishi keuno tipau pukhukulupu shilu eno kuchou kukutsutsa sasu aphiphi shimasae. Tishi anguno kuchou kukutsu pesu kutami shikumtolu eno tipau ghobide chekemi tsa theqhilu nanike.

Sümi Tiqhelimi Bible

⁹ Pükhükulu kükütsü tsa shikave keu hu pa ye tipau mutotoi pelu aghí moayesa, tishianguno pa pelo mütsümishei keu külü pesü timi kütamiqo shikumto tsü eno tipau lachile kemi ghasülu peniye ke.

Titus 1:9 Iomraidhean Croise

JOB 2:3

Tile AMPEU no Satan vilo pi, “No ye I qeu Job shou kümsü pukuju kema? Kughengu pa toi tukutiye kühano müzüchoi kemi, Alhou sükümsa shi xüno alhoksa lono tsüghüve chekemi ayeghi lo kühae. Nono pimhi lono pa kütsave peniye I xukutho kemu pa ye itehi kutolo pa mikucho tsüqüpe aphie.”

JOB 27:6

Ni ye I mikucho tsüqüpe aphi eno ti phevemo nani; I no xüighike I mlo no akipimi I tsülu kepu küha aphie.

AHOLE 23:23

Kuchou qhülulo eno je kevilo, alokütsü, akükütsütsa eno vethakulu qhülulo.

Apostolmi 18:28

kughengu pa no Kuchoyesü vecheo akumtoshi Khristo ye Jisü kepi mishi zülono Jewmi ghechile.

1 Kor. 14:24

Ikemu kümtsü no tungkuptsa piake lono pülümokemi momu khalaumi no iloghi aye, pa no chilu keu tsa no pa züizave no pa ye axine pipheve nani.

1 Thes. 5:21

ikemu thokha pejulo; kiu no akivi keno mtotoi tsüqü lulo.

2 Thes. 2:15

Ikehu, athiküzümiqo, ni tsapi momu yesü lonomu nongu shikave keu khuaye lo mtotoi puthugho lo.

1 Tim. 1:10

kipti toti dolo mithekumo, kiptimi no kiptimi sasü shupu kemi, timi kügha sawo aqüaxe shiche kemi, kimkimi, akimki shepe shikemi, eno kiu kiumu kuchou kükütsü nguno bidelau akemi ghenguno ayezah mla püani,

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

1 Tim. 1:19

aküpülü tsüqüpe eno akükümsü mtsümishei peniye ke. Timi khami ye hipaqo milive keu lono pano küpülü shipüsavae.

1 Tim. 4:9

Akipitsa hi ye pükhübekulu eno qhoi ikhilu küzüpue.

1 Tim. 6:3

Khuana no akülü kütau shika eno ni Mpeu Jisü Khristo no tsaqüi pikeu tsa ngo Alhou sümsani keu shiküka sasü kiyeqüve aye,

2 Tim. 1:13

Khristo Jisü gholo aküpülü eno kikimiye akeu vecheo, nono I launo chilu püakeu kuchou tsaqo papelo.

2 Tim. 2:2

eno thopimi kutomo küa lono I no pikeu, nono chilu püakeu tsaqo pesü pükhükulumi khunono kütami shikalu nani keno, tipaqo pichebe lo.

2 Tim. 2:25

eno mtshaminhei pa mjochile kemi shikithe tsü masae. Ishiake Alhou no pano pelo amlo xaidelu no kuchou ithilupe nani,

2 Tim. 3:14

Ikemu nou ye khikhi o shikave eno nono mtsüqhei pülü ani keno, tipau lo chechelo, eno khuu launo ti shikalu keno ithilo,

2 Tim. 4:3

Kughengu timi no kuchou shiküka lumoni keu ghuloki cheni, ikemu mthomzai keu kini xapu panongu gho-apulou shipenishi kelauno panongu no ini nishi akeu likhi pipeni kemi shikükami sawo qhinani,

Titus 1:11

Panongu hasüve masae, kughengu panongu no kuchokumo lono ala shiniye shikamo kepu pesü akibo kümtsü xukutho ani.

Titus 2:1

Ikemu nou ye mtsümishei keu külütsa pesü shikalo.

Jude 1:3

Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.

Piyeküsü 2:25

Nongu no kiu ani keno I no ighi moke dolo tilikhi mtotoi tsüqüpe lulo.

Piyeküsü 3:11

Ni ye ke-i cheni. Nono kiu pe ani keno mtotoi pelulo, tishi aye khunomu o kütsükuqho süxa luvemo nani.

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.