SAMUEL ATUGHIU 9:21 - Sumi Naga CL (Re-edited) Bible (BSI)

²¹ Saul no khochile, “Ni ye Israel shiaye dolo aghulou, Benjaminmi lakhi ke kumo keshea? Eno Benjamin laghami kümtsü dologhi ni limi no akitilau ke kumo keshea? Imaye kushiye no ye ishi I pütsa ani kea?”

BAIBEL (BSI)

²¹ Saul no khochile pi, “Niye Benjamin lagha lono ighikemi Israil lo ashiayeh dolo akitilauke eno ni shiaye gholo akimkheuke. Tighenguno noye kiu kiqi lono ishi isasu kuptsa ani kya?”

SAMUEL ATUGHIU 9:21 Iomraidhean Croise

LESHELE 68:27

Benjaminmi, panoqo dolo aghulou no azüu shi saphesü cheni, Judah sakiphemi, Zebulun sakiphemi, Naphtali sakiphemi ye aqokitikhi gholo ani.

LESHELE 68:28

O Alhou, aküka khipau vecheo Nono ni ghenguno mla keno O küka ti kusülo, O Alhou.

HOSIYA 13:1

Ephraim no atsa pi kelo kümtsü no khokhoshi che; Israel lo pa süqhe puku cheke, ikemu Baal vecheo pa ye akipimi ithulu no thivae.

Luke 14:11

Kughengu alikhi asüqhe kemi kümtsü kuchunive nani, eno alikhi ampi kuchuni keu süqhe nani.”

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

SAMUEL ATUGHIU 10:27

Ikemu ameküküha timi khami no pi, “Timi hipau ye kishino ningu xaluni kea?” Eno panongu no pa thogha no agho kiumu pa lau peighimo. Ikemu pa ye inaqhoive.

SAMUEL ATUGHIU 14:51

Kish no Saul papu, eno Abner papu Ner ye Abiel nuke.

SAMUEL ATUGHIU 15:17

Samuel no pi, “O müzülo no ye aghulo kepi aghimu no ye Israel shiaye kümtsü kütsüke kumo keshea? Ampeu no o nukishepe Israel kükau shike.

SAMUEL ATUGHIU 18:18

David no Saul vilo pi, “Ni ye khuue pi, eno I lagha I pu kibolomi ye khuu keno akükau makishiu shiluni kea?”

SAMUEL ATUGHIU 18:23

Saul qemi no atsa hipaqo David kini lo pisütsü. Eno David no pi, “Ni ye kumlhomi eno ajuaje küha ke akükau makishiu shini keu ye aghulo vehu küghashi ani keshea?”

SAMUEL ATUGHIU 9:22

Tileno Samuel no Saul ngo pa qeu sasü achebo kijelo sailo no sakiphemi pano shighi qhalo kusü püakeqo gholo küghüqave.