SAMUEL ATUGHIU 9:16 - Sumi Naga CL (Re-edited) Bible (BSI)

¹⁶ “Thoghiu hipa ghuloki lo I no Benjamin yeghi lono timi lakhi o lau puwu nani, eno pa pelo Israel lo Iw timiqo shou sakipheu shi penike nono pa nukishe lo. Pa no Philistiami u lono Iw timiqo xalu nani. I no Iw timiqo ithuluvae, kughengu panoqo ghügha ye I lau ighivae.”

BAIBEL (BSI)

¹⁶ “Thoghiu hipa ghuloki toike lono ino Benjamin lagha lono ighikemi timi lakhi olau puwu nani; tileno pa pelo Israilmi shou ayehkipeu shikepushi nukishe tsulo eno pano Filistiyami ulono Israilmi xaphelu nani. Ino iwu timiqo ghime ithuluva eno panonguno akukuphu tsulepi igha khu akeu chiluvae.”

SAMUEL ATUGHIU 9:16 Iomraidhean Croise

SAMUEL AKINIU 3:18

Ikehu itehi titoi shilo, kughengu Ampeu no David lau ashoqhi shino pi, ‘I qeu David u vecheo I no Philistiami eno pano ghümi kümtsü u lono I no Iw timi Israelmi xalu nani.’”

KUKAMI AKINIU 20:5

“Ideilo lo eno Iw timiqo sakipheu Hezekiah vilo pilo, Ampeu O sü David Lhou no ishi piani: I no o kighini chiluvae; I no o nhezü kipiji ithuluvae. Julo, I no o shipivi tsüni. Atsala aküthüu lo no ye Ampeu kilo wu nani,

LESHELE 102:1

I kighini ini tsülo, O Ampeu, I küqa O lau ighilu pelo!

LESHELE 106:44

Tishinamu, kughou Pa no panoqo küqa chilu keno Pa no panoqo ghime kitikhi ithulu tsüe.

LESHELE 25:18

I ghime eno I küküpna kümsüju tsülo, eno I xine kümtsü qhive tsülo.

AHOLE 16:9

Timi no amlo lono pa küxü laghi kughuphe cheni, ikemu Ampeu no pa pukhu nepa iqhikumto tsü cheni.

JEREMIYA 32:8

Tileno I tikishiu Hanamel no Ampeu tsa kiqi lono akhemi bocho lo I lau ighi no I vilo pi, ‘Benjamin yeghi lo Anathoth lo I lu akeu qhüluve lo, kughengu amheghi shi xachilelu kepu chipiu ye ow ke; qhüpe ow shilulo.’ Ikehu hi ye Ampeu tsa kepi I no ithive.

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

SAMUEL ATUGHIU 14:20

Tishino Saul ngo pa gholo akemi kümtsü no aghüshiqa lo wuve. Ikelo Philistiami ye pano dolo azütakikihi no ghiqhikile aghive eno tile shishe kübangü aghi.

SAMUEL ATUGHIU 14:23

Ikehu tipa tsalani Ampeu no Israelmi xalue. Eno Beth-aven ghi vechesü aghüshie.

SAMUEL ATUGHIU 15:1

Samuel no Saul vilo pi, “O nukishepe Israel shou akükau shipeni ye Ampeu no I puwue; tighenguno itehi Ampeu tsa inilo.

SAMUEL ATUGHIU 16:1

Ampeu no Samuel vilo pi, “Israel shou akükau shipemo niye I no Saul milive ake no ye khitohi pa ghenguno amlo ijuni kea? O kibo lo thazü lesüpe wulo. Bethlehemmi Jesse lau I no o puwuni, kughengu I no pa nuli dolo lakhi pesü akükau shipenike kutope qhivae.”

SAMUEL ATUGHIU 16:3

Aghakishi lo Jesse kusü lo, eno nono kiu shikepu keno I no o piyeni. I no khuu o lau shuphe tsüni keno nono I ghenguno pa nukisheni.”