SAMUEL ATUGHIU 8:7 - Sumi Naga CL (Re-edited) Bible (BSI)

⁷ Ampeu no Samuel vilo pi, “Panongu no o vilo pi akeqo tsa kümtsü inilo, kughengu panongu ye o milive amoe, ikemu I no pano shou akükau shi akeu milive ani.

BAIBEL (BSI)

⁷ eno AMPEU no pi, “Timiqono ovilo kiu pi ighini keno ti kumtsu inijutsulo. Panonguye opevekeu shi amoe; ikemu ino panongu kukau shi akeu ti-u milive anie.

SAMUEL ATUGHIU 8:7 Iomraidhean Croise

IPEKULU 16:8

Moses no pi, “Ampeu no nongu pelo chu penike avelau no ashi tsü nani eno inaqhe no asho pesü nongu ghapiqi tsü nani, kughengu nongu no muchho akeu ye Ampeu shou muchho ani kepi Pa no nongu kumchho chiluvae—nikujo ye kiu kea? Nongu kumchho ye nikujo shou kumoe, ikemu Ampeu shou ke.”

ISAIAH 66:4

Ni ghi panongu ghenguno aghimepu kishetsü nani; eno panongu no msa chekeu panongu shou pukutsü nani, kughengu khunomu I no kukeu lo khochile moe, I no pütsa kelo, panongu no ini tsümoe; ikemu kiu no I nhethe lo axine keno, panongu no ti shike, eno I no pulomo keu kishelu ke.”

JEREMIYA 34:14

‘Ampe tsüni shekha lo Hebrewmi khunoqo o lau jesüve no ampe tsügho o qeve akeno no ye panongu kuqho pheveni; o kümlapu lono no ye pa pelo ililaive peni.’ Ikemu no puasüqo no I tsa inimo eno panongu kini mu I lau kugho puwomoe.

EZEKEL 2:3

Pa no I vilo pi, “Timi nu, I no Israelmi, hekibide shiye, khunoqo I ghobide ani keno tipaqo lau o puwu ani. Ishi tsala kutolo panongu eno pano puasüqo ye I hebide ghi axine shivae.

EZEKEL 3:7

Ikemu Israel laghami ye o tsa inini ke pulomo nani, kughengu panongu ye I tsa inini ke pulomoe: kughengu Israel laghami ye kümtsü no kuthovi eno amlo mkake.

AKIKIHI 22:20

Tipaji Alhou no Balaam lau ighi no pi, “Timi hipaqo no o sasü wunike ighi aghi aye, ithu no wulo ikemu I no o vilo kiu pini keno ti likhi shilo.”

MATTHEW 10:40

“Khukhumu nongu ikhilu keu ye ni ikhilu ani, eno ni ikhilu keu ye I puwu keu ghi ikhilu ani.

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

Luke 19:14

Ikemu pa ghakhumi no pa mithi chekehu aghinimi khami pa thiu no puwu no atsape ishi tsü, ‘Ningu ye timi hipau pelo ni shou ayepe penishi amoe.’

Luke 19:27

Eno I ghümi ghengu ye, khunono I pelo pano yepeu shipenishi mono akeno, hile saghi no I zülono ghiqhivelo.’”

John 13:16

Kuchou no I no nongu vilo piani, aqeu lakhi ye pa mpeu nguno akijeu kumoe; momu aghinimi ye pa puwu akeu nguno akijeu ke kumoe.

XAKUTHAMI 8:23

Gideon no khochile, “Ni eno I nulimu nongu shou ayepe monani; Ampeu no nongu shou ayepe nani.”

SAMUEL ATUGHIU 10:19

Ikemu ishi nongu no nongu Lhou, khuu no amhekiqi eno aghime kitikhi kümtsü lono nongu xalu keno, Pa milivae, eno nongu no Pa vilo pi, ‘Kükami lakhi ningu shou qhitsülo.’ Tighenguno itehi nongu shiaye eno qhethonhe mqo kiqi lono Ampeu zülo ighilo.”

SAMUEL ATUGHIU 12:1

Samuel no Israelmi kümtsü vilo pi, “Julo, nongu no I vilo pikeu tsa kümtsü I no agholuve tsüae eno akükau nongu shou qhive tsüae.

SAMUEL ATUGHIU 12:12

Eno kughou nongu no Ammonmi kükau Nahash no nongu leighi keu ithulu keno, Ampeu nongu Lhou no nongu shou akükau shi akeghi nongu no I vilo pi, ‘Moe, akükau lakhi no ningu shou ayepe nani.’

SAMUEL ATUGHIU 8:22

Ampeu no Samuel vilo pi, “Panoqo tsa gholuve lo eno akükau lakhi panoqo tsülo.” Tithiu Samuel no Israelmi vilo pi, “Now mishighüna lo wokhave lo.”

SAMUEL ATUGHIU 8:8

Egypt lono I no panoqo saipeghi ke tsala lono ishi kutolo panongu no I qhive no inami lhouqo qe ighive ketoi panoqo ye o lau ghi tishi ani.