SAMUEL ATUGHIU 8:11 - Sumi Naga CL (Re-edited) Bible (BSI)

¹¹ Pa no pi, “Akükau khuu no nongu shou ayepeni keno, pa no hipaqo shi nani: pa no nongu nuliqo sawuve nani, paw khurkuluqo ghenguno süsü nani, khurshimi shipe nani eno paw khurkuluqo zülo chewupe nani.

BAIBEL (BSI)

¹¹ Samuel no kishe kulushi pi, “Nongu kukauno hitoi nongu peitha nani, pano nongu nuli pesu ghushimi shi nani; panongu gholo khami no pawu khurshi lo sakicheu shipe nani, khamino khurshi lono ghushimi shipe nani eno kutamiqoye pau khurkulu zuu chewu keu shipe nani.

SAMUEL ATUGHIU 8:11 Iomraidhean Croise

SAMUEL AKINIU 15:1

Hipa thiu Absalom no pa ghenguno khurkulu lakhi, khurshi eno timi lhopungu pa züu wuni kemi kutoluve.

KUKAMI ATUGHIU 1:5

Haggith nu Adonijah no pa ampi süqhe ghi pi, “I no akükau shinani.” Pa no pa sala khurkulu eno khurshimi gholo timi lhopungu kutope pa zülo pope.

KUKAMI ATUGHIU 10:26

Solomon no khurkulu ngo khurshimi hekütsü jukelo khurkulu 1,400 eno khurshimi 12,000 aghi. Pa no khurkulu phughi lo kutokughoi pe qhi eno khami ye Jerusalem lo pa gholo qhive.

KUKAMI ATUGHIU 12:10

Lhothemi pa sasü kümtsa xüighi keqo no pi, “Timi khunoqo no o vilo, ‘O pu no ni xapipe keu kho kümthü tsülo,’ ipi keno, tipaqo vilo pilo, ‘I uloti anipau huno I pu luko nguno shishoi ani.

KUKAMI ATUGHIU 12:4

“O pu Solomon no ighono ni ghime püani. Tighenguno itehi o pu ghime kümla ngo paw kuokhasü kimshi ni launo kümthü tsülo, tishi aye nino o qeni.”

KUKAMI ATUGHIU 14:27

Tipaqo theli lo Akükau Rehoboam no alazayi zütoqo mla, eno akükau ki khemi kijemi pelo ti jukütsü penike picheve tsü.

KUKAMI ATUGHIU 18:46

Ampeu küka Elijah shou ighive no pa no pa phi pesü achita khapu luve no Ahab züuno posü Jezreel lo wuve.

SAMUEL ATUGHIU 10:25

Tile Samuel no timiqo vilo akükau chipiu eno akümlapuqo pitsü, eno pa no tipaqo kaku lo yesüve no Ampeu zülo qhivetsü. Tithiu Samuel no timi kümtsü pütüta kilo puwove.

SAMUEL ATUGHIU 14:52

Saul küxü tivilo Philistiami sasü akumtoshi aghü shiche. Saul no akumtomi khukhumu ithulu aye, pa gholo qhive che.

SAMUEL ATUGHIU 22:7

Saul no pa qemi vilo pi, “Inilo, Benjamin timiqo; Jesse nu David no aluza ngo atsailu nongu kümtsü tsülu nanio? Nongu kümtsü pesü qhethonhe eno aqhe zatsüu shitsü nani keshea?

SAMUEL ATUGHIU 8:9

Tighenguno itehi, panongu tsa inilo; no ye akumto shi panongu ghutuke likhi shilo eno kükami khuu panoqo shou ayepe nani keno tipaqo laghi panongu kichepiye lo.”