SAMUEL ATUGHIU 7:8 - Sumi Naga CL (Re-edited) Bible (BSI)

⁸ Eno Israelmi no Samuel vilo pi, “Ampeu ni Lhou lau ni ghenguno inikhuni keu tave kevilo, tishianguno Pa no Philistiami u lono ningu xalu nani.”

BAIBEL (BSI)

⁸ Samuel vilo pi, “Ningu Lhou AMPEU lau tamono inikhu tsualo, Filistiyami ulono ningu xaphekulupu shitsulu kepushi.

SAMUEL ATUGHIU 7:8 Iomraidhean Croise

ISAIAH 37:4

O Lhou Ampeu no Rabshakeh, khuu Assyria kükau no aküxüküa Lhou thaigha peniye puwu keno, pa tsa chilu kelo tipau ghenguno sakiyi nani niake; tighenguno ghükulumi aghulo akeqo ghenguno Alhou lau o kighini süqhe tsülo.’”

ISAIAH 62:1

Zion ghenguno Ni ye inaqhoi mo nani, eno Jerusalem ghenguno Ni ye qümüive mo nani, Liw achipiu-mikucho no vüqai yepüvü moke kutolo, eno liw xakulupu no akuluqhe iqü aketoi moke kutolo, Ni ye inaqhoive mo nani.

JEREMIYA 27:18

Panongu no tungkupmi shiaghi, eno Ampeu tsa no panongu gholo aghi aye, panongu pelo aqokitikhi MPEU qhüiniju pelo, tishianguno akhu ajukhu Ampeu kilo, Judah kükau kilo, eno Jerusalem lo akeqo ye Babylon lo pewuve pemoni.

JEREMIYA 42:2

Jeremiah vilo pi, “Ni kimiye tsü penike o lau ighi ani, hi ghükulumi ghenguno O Lhou Ampeu lau inikhu tsülo. Kughengu o nhethi no ithulu anike, ningu ye aghulo likhivae,

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.