SAMUEL ATUGHIU 7:5 - Sumi Naga CL (Re-edited) Bible (BSI)

⁵ Tithiu Samuel no pi, “Israelmi kümtsü Mizpah lo hekütsülo, eno I no nongu ghenguno Ampeu lau inikhuni.”

BAIBEL (BSI)

⁵ Tishipuzu Samuel no Israilmi kumtsu Mizpa lo kukutsuno hitoi panongu vilo pi, “Ino nongu ghenguno AMPEU vilo inikhutsuni.”

SAMUEL ATUGHIU 7:5 Iomraidhean Croise

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

BOTHUBO 31:49

eno Mizpah kuve tsü, kughengu pa no pi, “Kughou nikujo no lakhino lakhi launo putosüveni keno, Ampeu no nikujo jukuto anani.

KUKAMI AKINIU 25:23

Kughou kepten eno ghüshimi kümtsü no Babylon kükau no Gedaliah pesü angh shive keu chilu keno, panongu no pütütaw ghüshimi sasü Gedaliah kusho nike Mizpah lo ighi; tipaqo ye, Nethaniah nu Ishmael, Kareah nu Johanan, Netophahmi Tanhumeth nu Seraiah, eno Maacathmi Jaazaniah.

NEHEMIA 9:1

Atsala muku abidini Israelmi no yeqhiyephi pepusü ayeghimkhu epe akütsü lo puku no kümvü ae.

JEREMIYA 40:6

Jeremiah no Mizpah lo Ahikam nu Gedaliah lau wuve eno pa sasü Judah yeghi lo qhive kemi timiqo gholo xüuve.

HOSIYA 5:1

Hi inilo, O achinemiqo! Amlo tsüqhiyilo, O Israelmi! Akini xükholo, O akükau limi! Kughengu küghakütha ye nongu ghenguno ke; kughengu Mizpah lo nongu no alichhe ilhouve ke, eno Tabor shou akhame sükhope qhike.

JOYIL 2:16

timiqo hekütsü lo. Aqoahomi kishekimthe tsülo; layemi kukumqo lo; itimi eno akichhelo kupu nga kutolo hekütsü lo. Külapuu no pa chebo qhivelo, külaliu no li kungo-a qhivelo.

JOSHUA 15:38

Dilean, Mizpeh, Joktheel,

JOSHUA 18:26

Mizpeh, Chephirah, Mozah,

XAKUTHAMI 10:17

Tithiu Ammonmi ghüshimi no aghü shinike Gilgal lo aghazü shive. Israelmi ghi kümtsa kumqo no Gilead lo Mizpah lo aghazü shiluve.

XAKUTHAMI 20:1

Tithiu Israelmi kümtsü no hekütsü, Dan lono Beersheba kuto, eno Gilead yeghi ghi Ampeu zülo lakhi shi Mizpah lo kumqo.

SAMUEL ATUGHIU 10:17

Samuel no Mizpah lo timiqo pelo Ampeu lau hekütsüpe.

SAMUEL ATUGHIU 12:17

Ishi ye ashothi ghile ghuloki ke kumo keshea? I no Ampeu kuni, tishino Pa no pasapagha eno tsütsüghu puwu tsü peni. Nongu no nongu ghenguno akükau khu keu lono now küsakügha kije shive akepi nongu no ithi eno ithulu nani.”

SAMUEL ATUGHIU 12:23

Tinguno alau, ni ye nongu ghenguno inikhu mono Ampeu zülo pimive keu shimo nani, ikemu kiu no akivi eno achipiu laghi keno I no tipaqo nongu kütsüshika nani.

SAMUEL ATUGHIU 7:12

Tithiu Samuel no atu lakhi ikhipe Mizpah ngo Shen küma dolo shosüve eno tipau je pesü Ebenezer kutsü; kughengu pa no pi, “Ampeu no itehi kutolo ningu kuphue.”

SAMUEL ATUGHIU 7:16

Eno pa no ampe ampe lo Bethel, Gilgal, eno Mizpah vehomxa wuche. Pa no a-a hipaqo kümtsü lo Israelmi shou xathatsü che.

SAMUEL ATUGHIU 7:4

Ikehu Israelmi no Baal ngo Ashtaroth pheve no Ampeu likhi qeuve.

SAMUEL ATUGHIU 8:6

Ikemu kughou panongu no, “Ningu shou xaküthau shi penike akükau ni tsülo” ipi keno, Samuel ye amlo qimlave. Pa no Ampeu vilo inikhu.