SAMUEL ATUGHIU 7:3 - Sumi Naga CL (Re-edited) Bible (BSI)

³ Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”

BAIBEL (BSI)

³ Samuel no Israilmi vilo pi, “Tsala nonguno amlo kumtsu suno AMPEU lau xatsughu ighinishi aye, shoinami lhouqo kumtsu eno Astar lhouliu julho kumtsu phevemasa. Nonguye AMPEU lau kumtsu ikhiphe pesu tsuvelo eno pa likhi mllalo, tishi aye pano Filistiyami kuka lono pano nongu xaphe luve nani.”

SAMUEL ATUGHIU 7:3 Iomraidhean Croise

BOTHUBO 35:2

Ikehu Jacob no pa kibolomi eno pa gholo akeqo kümtsü vilo pi, “Inaghami lhou nongu gholo akeqo qhive no nongu ampi shikimthe lulo eno nongu phimini kilive lo.

KUKAMI ATUGHIU 11:33

kughengu panongu no I pheve no Sidonmi lholiu Ashtoreth, Moab lhou Chemosh, Ammonmi lhou Milcom mllauve, eno David toi mono panongu no I laghi lo chemove, achipiu shimove, eno I yezahqo pemove ke.

KUKAMI ATUGHIU 8:48

tsala panongu küghaluve kemi yeghi lono panongu no kuchou no amlo eno akükümsü kümtsü xaide no Nono ni puasüqo tsükeu yeghi, Nono kishelu keu phughi hipau, eno I no O ghenguno mla tsükeu ki küdau juno inikhu aye,

KUKAMI AKINIU 17:39

ikemu nongu ye Ampeu nongu Lhou sümsa lo, tishiaye Pa no aghümi u lono nongu xaphe nani.”

KUKAMI AKINIU 23:15

Tinguno alau, Nebat nu Jeroboam khuu no Israel pelo axine shivepe keno, pa no Bethel lo akümlla-khache shiqhe keu Josiah no kütsalepe pitive tsü. Pa no Asherah ghi pitive tsüe.

YEKIKITHI ATUGHIU 22:19

Ikehu nongu mlo kükümsü kutope Ampeu nongu Lhou phulo. Ithu no Ampeu Alhou je ghenguno achineki shilo, tishianguno Ampeuw Puloshoqhi Bohu ngo akümlla lo akimthe liqo pewo tile qhikepu shinike.”

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI AKINIU 19:3

Tishimu o lolo akivi hami phulue, ti ye nono Asherah julho aghakhu lono ikhive tsüno o mlo tsüqhiyi Alhou phuke.”

YEKIKITHI AKINIU 20:33

Ikemu qhemghaike-a ye ikhimoe; timiqo ye tikutolo pano puasü Lhou lau pano mlo tsümoe.

YEKIKITHI AKINIU 30:19

pa no akimthea khuaye kiqi lono mithe move namu, pa no amlo tsüno Ampeu Alhou, pa puasüqo Lhou phu aye, Ampeu no akipimi qhitsü peniu.”

AHOLE 16:1

Timi no amlo lo kümsü akeu kiqi lono kughuphe cheni, ikemu khokichile ye Alhou launo ighi cheni.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 36:3

Ishiake Judah lagha ye I no pano shou kütsakungo nike kughu akeu chilu no kümtsü no pano lhoksa lono tsüghü ighi luvi, tishianguno I no pano kipimi xine qhitsü nani.”

JEREMIYA 4:1

“Nono ideighini aye, O Israel, Ampeu no asheshu, no ye I lau ideighi masae. Ow aphikümqhüpu thimeqo nono I zülono ikhive no ithamo aye,

EZEKEL 14:6

“Tighenguno Israel laghami vilo pilo, Ampeu Alhou no ishi piani: Xaidelo eno now asü-atu julhoqo launo tsüghüve lo, eno now aphikümqhüpu kümtsü launo agi kughove lo.

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

MATTHEW 15:8

‘Timi hipaqo ye akichi loye I gihu cheni kemu pano mlo ye I launo putou ani;

MATTHEW 4:10

Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

MATTHEW 6:24

“Khunomu ampeu kini qeküqha mlae, kughengu pa ye lakhi mithive no lakhiu kimiye nani, momu lakhi qhoqhü no lakhiu thogha nani. Nongu ye Alhou ngo küakini qeküqha mlae.

Luke 4:8

Jisü no itaghi pa khochile, “Ishi yepüani, “‘No ye Ampeu O Lhou mllalo, eno Pa likhi huthulo.’”

John 4:24

Alhou ye Aghungu, eno khunono Pa mllani keno aghungu eno kuchou lono mlla masae.”

ZAKINIU 10:20

Ampeu nongu Lhou sümsa lo. Pa huthu eno mtulu lo, eno Pa je lono tushoqhi lo.

ZAKINIU 13:4

Ampeu nongu Lhou papelo, Pa sümsa no Pa zakütsüqo pelu lo, Pa tsa inilo, Pa huthu no Pa tsüqüpe lulo.

ZAKINIU 4:29

Ikemu tilauno nongu no Ampeu nongu Lhou phu nani, eno nongu no amlo eno angulho kuchopu pesü Pa phu aye phulu nani.

ZAKINIU 6:13

Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

JOSHUA 13:31

Gilead tüxa, Ashtaroth ngo Edrei, Bashan lo Og kükau qholo mishighünaqo. Hipaqo pesü Manasseh nu Makhir limi kikije kini lo lakhi pelo amheghi shi penike ali kiqi lono tsüve.

JOSHUA 24:14

“Tighenguno itehi Ampeu sümsa eno amlo tsüqhiyi aküpülü lono Pa qelo. No puasüqo no Aghoki kukuu eno Egypt lo mlla chekeu lhouqo phevelo eno Ampeu qelo.

JOSHUA 24:23

Tileno pa no pi, “Tishiaye inami lhouqo nongu gholo akeu pevelo eno Ampeu Israel Lhou lau nongu mlo tsüqhiyi lo.”

XAKUTHAMI 10:16

Tishino panongu no inami lhouqo ikhipe peve no Ampeu mlla; ikelo Ampeu no Israelmi ghime jupe kutuu mlave.

XAKUTHAMI 10:6

Itaghi Israelmi no Alhou zülo küsakügha shino Baal ngo Ashtaroth, Syriami, Sidonmi, Moabmi, Ammonmi, eno Philistiami lhouqo mllau khaveno Ampeu pheve no Pa huthu move.

XAKUTHAMI 2:11

Israelmi no Ampeu zülo küsakügha shiuve eno Baal mllau khave.

XAKUTHAMI 2:13

Panongu no Ampeu pheve no Baal ngo Ashtaroth mllauve.

SAMUEL ATUGHIU 31:10

Panongu no pa ghünanu pesü Ashtaroth chineki lo qhive, eno pa phimpi no Beth-shan liwo lo phedape qhive.