SAMUEL ATUGHIU 7:12 - Sumi Naga CL (Re-edited) Bible (BSI)

¹² Tithiu Samuel no atu lakhi ikhipe Mizpah ngo Shen küma dolo shosüve eno tipau je pesü Ebenezer kutsü; kughengu pa no pi, “Ampeu no itehi kutolo ningu kuphue.”

BAIBEL (BSI)

¹² Tileno Samuel no atu lakhi ikhilu puzu Mizpa ngo Shen kuma dolo ghope qhino pi, “AMPEU no alaghi kumtsulo ningu kuphutsue” eno pano tipau pesu “Kuphutsukeu tu” ipi kuvetsu.

SAMUEL ATUGHIU 7:12 Iomraidhean Croise

BOTHUBO 22:14

Ikehu Abraham no tipa-a pesü, “Ampeu no tsü nani,” ipi kuvetsü; ishi kutolo hitoi pi cheni, “Ampeuw naghuto lono ti tsü nanie.”

BOTHUBO 35:14

Alhou no khileno pa pütsa keno Jacob no tile atu no atsükucho shiqhe pukuve. Pa no atsaizü kümllagho eno thazü tipau shou lepukuve.

LESHELE 71:17

O Alhou, I lhothe ghuloki lono Nono I shika ighivae, eno Ow akümzapu kümlaqo I no sheshu aphie.

LESHELE 71:6

I punu mphi lono ni ye O shou mungu ighivae; I za tita lono ni ikhilu keu huye No ke. I no tave mono O sheqhe ani.

IPEKULU 17:15

Moses no akümlla-khache lakhi shiqhe eno tipa je pesü, Ampeu ye Iw Michiphi ipi kuvetsü,

ISAIAH 19:19

Tipa tsala lo Egypt yeghi mta lono akiptia lakhi, eno alughi lono atu tsükucho lakhi, Ampeu lau mlatsü keu anani.

Apostolmi 26:22

Ishi tsala kutolo, ni ye Alhou launo ighikeu kukuphu ithulu kehu hile puthugho no kijemi kitilami lau ala süküpha mono tungkupmi ngo Moses no shinanie pi püakeu likhi ashepe tsü ani:

2 Kor. 1:10

Pa no akithipu kümsapu lono ningu xaphelue, eno ningu xaphelu nani. Pa no itaghi ningu xaphelu nanie pi ningu ye Pa shou niw lajupu bevae.

JOSHUA 4:9

Eno Joshua no atu chighikini pesü Jordan mta lo achinemi no Puloshoqhi Bohu pesü puthughoke-a lo shosüve; atu tipaqo ye ishi kutolo achephi.

SAMUEL ATUGHIU 14:35

Saul no akümlla-khache Ampeu lau shiqhe; ti ye pa no Ampeu lau akümlla-khache shiqhe keu atüghüu ke.

SAMUEL ATUGHIU 4:1

Samuel tsa Israelmi kümtsü lau ighi. Israelmi no Philistiami sasü aghü shiniye wu. Panongu no Ebenezer lo aghazü shi eno Philistiami no Aphek lo aghazü shia.

SAMUEL ATUGHIU 5:1

Kughou Philistiami no Alhouw Puloshoqhi Bohu süxaluve keno panongu no tipau pesü Ebenezer lono Ashdod lo ighi.

SAMUEL ATUGHIU 7:11

Israelmi no Mizpah lono Beth-car kutolo Philistiami hawu eno panoqo ghiqhi pithive.