SAMUEL ATUGHIU 6:4 - Sumi Naga CL (Re-edited) Bible (BSI)

⁴ Panongu no pi, “Ningu no Akipimi kümllagho pa tsü puwuni keu ye kiu kea?” Panongu no khochile, “Ameshoyi no mlakeu amishe eno aji julho pungungu tsüpuwu lo, ti ye Philistiami ampemi kikihi kiqi lono, kughengu püsa ye nongu eno nongu mpemi kümtsü shou ikughike.

BAIBEL (BSI)

⁴ “Tishiaye kiu gho pesu tsupuwuni kya?” ipi timiqono inijulu. Panonguno khochile, “Shunano shikeu mishe julho pungu eno shunano shikeu ajih pungu, lakhi khino Filistiyami kukau pano pungu kiqi shilo, kughengu tipau pusano nongu kumtsu shou ghi eno nongu kukamiqo shou ghi iku ghike.

SAMUEL ATUGHIU 6:4 Iomraidhean Croise

IPEKULU 12:35

Moses no panoqo vilo pi ketoi Israelmi no tishive, kughengu panongu no Egyptmi vilo ghükayi ngo ameshoyi nhemgha eno tiphimini khuluve.

JOSHUA 13:3

(Egypt kipelau Shihor lono ahuu küdau Ekron ghuthu kuto, ti ye Canaanmiw kepi kihi cheni; tipa qhalo Philistiami kükami pungu no hipaqo shou ka che, Gaza, Ashdod, Ashkelon, Gath eno Ekron), eno apeu Avvim yeghi lo akeqo,

XAKUTHAMI 14:19

Tileno Ampeu Ghungu no pa shou ikughive, eno pa no Ashkelon lo iqi no tile xüküami shighi heqhive no pano phiminiqo hakho pewo sülekutho pikeqo tsüve. Pa ye ighono amloidesü papu kilo idewove.

XAKUTHAMI 3:3

Shiye hipaqo: Philistiami yepemi pungu, Canaanmi, Sidonmi eno Hivimi khunoqo Lebanon naghuto lo küghüna chekeno, ti ye Baal-hermon lono Lebo-hamath kutolo akeqo.

SAMUEL ATUGHIU 5:12

Timi khunoqo no thimo keno panongu ye amishe jeli no ghimeqhi eno mishighüna lo aküqa no iku atsütsü tove.

SAMUEL ATUGHIU 5:6

Ampeu u no Ashdodmi lau ighono mishishei ikughi, Pa no Ashdod eno tipau hokümxa lo akemi lau amishe jeli pesü panoqo kichiqhi eno ghimeve.

SAMUEL ATUGHIU 5:9

Ikemu tilau peighive kethiu, Ampeu u no mishighüna shou ikughive no kichimamai keu kije ighive, eno Pa no mishighüna lo kichimi ngo itimi ghi ghimeve, ikehu amishe jeli no panongu shou ikughive.

SAMUEL ATUGHIU 6:5

Tighenguno nongu ye no yeghi kütsave tsükeu, amishe eno aji julhoqo mla masae, eno Israel Lhou jepipi tsülo. Tishiaye Pa no nongu eno no lhouqo ngo no yeghi lono Pa u süchileve nani.

SAMUEL ATUGHIU 6:8

Ampeuw Puloshoqhi Bohu ikhipe mishikulu lo puku no tipa phivilo kuqhobo lo ameshoyi julho, khikhi nongu no akipimi kümllagho shi tsüpuwu ani keno, tipau süvelo. Tishi püzü pakutoshi no wuve pelo