SAMUEL ATUGHIU 6:21 - Sumi Naga CL (Re-edited) Bible (BSI)

²¹ Tighenguno panongu no Kiriath-jearim lo küami lau atsapemi puwu no pi, “Philistiami no Ampeuw Puloshoqhi Bohu tsüchile puwovae. Ighi no pewove lo.”

BAIBEL (BSI)

²¹ Panonguno aghinimi hapesu Keriat Yearim lo puwuno ishi pi, “Filistiyamino AMPEU wu Puloshoqhi Bohu suchile sughivae. Iqighino hipau puwuvetsulo.”

SAMUEL ATUGHIU 6:21 Iomraidhean Croise

SAMUEL AKINIU 6:2

Eno pa no pa gholo akeqo kümtsü sasü Baale-judah lono Alhouw puloshoqhi bohu, ti ye cherubim shou kükalakhü akeu lo iqa chekeu aqokitikhi Mpeu je lono kukeu, süghini ye wuve.

LESHELE 78:60

Pa no Shiloh lo Pa kungo-a qhive, Pa ye tile Paw timiqo gholo acheke,

JEREMIYA 26:20

Tile kütami lakhi Ampeu je lono tungkuptsa pi chekeu Kiriath-jearim ghami Shemaiah nu Uriah ae. Pa no mishighüna eno ayeghi hipau ghenguno Jeremiah no pikeu tsatho pi.

JEREMIYA 7:12

Itehi I no atüghü lo I kungoa shikeu Shiloh lo wulo, tile Iw Israelmi kümla lhoksa ghenguno I no kiu shikeno julo.

JEREMIYA 7:14

tighenguno I no Shiloh lo mlake toi, nongu no pükhübe chekeu, I je lono kukeu kibo shou eno no puasüqo tsükeu yeghi shou ghi titoi shinani.

JOSHUA 15:60

Kiriath-baal (momu Kiriath-jearim) eno Rabbah: mishighüna kini eno sükümxa lo aphuqo.

JOSHUA 15:9

Tishino ti naghuto kütsüqa lono Nephtoah ghokiti kutolo, tileno Ephron naghuto qhalo mishighüna akeqo kuto. Tileno idechilesü Baalah (ti ye Kiriath-jearim) lo wuve ani.

JOSHUA 18:14

Alughi ye tsüghüsü kütau wuve ani, naghuto tipau lono kulola küdau no idesü apeu küdau wuve no Judah shiayew mishighüna Kiriath-baal (ti ye Kiriath-jearim) lono kishekhave ani. Tino kulolau lughi.

JOSHUA 9:17

Tighenguno Israelmi no chesü tipaqo no küghüna akeu mishighünaqo lo ighi kelo atsala küthü shive. Mishighüna tipaqo ye Gibeon, Chephirah, Beeroth, eno Kiriath-jearim.

XAKUTHAMI 18:12

Panongu no iqho Judah yeghi lo Kiriath-jearim lo aghazü shi. Hipau lono ishi kutolo tipa-a pesü Mahaneh-dan ipi cheni; ti ye Kiriath-jearim kulolau ani.