SAMUEL ATUGHIU 5:8 - Sumi Naga CL (Re-edited) Bible (BSI)

⁸ Tighenguno panongu no Philistiami ampemi kümtsü ghakütsü kumqope no pi, “Ningu ye Israel Lhouw Puloshoqhi Bohu pe kiu shiveni kea?” Panongu no khochile, “Israel Lhouw Puloshoqhi Bohu ye Gath lo peighi pelo.” Tighenguno panongu no Israel Lhouw Puloshoqhi Bohu tilau pewuve.

BAIBEL (BSI)

⁸ Tighenguno aghinimi hapuwuno Filistiya lo kukami pungu kuno panongu vilo iniju, “Ningu Israil Lhou Puloshoqhi Bohu pesu kiu shivetsuni kya?” “Tipau Gat lo pewuvelo,” pi panonguno khochile, tighenguno panonguye tipau kuhopesu Filistiya phughi kutau Gat ipikeulo wuve.

SAMUEL ATUGHIU 5:8 Iomraidhean Croise

YEKIKITHI ATUGHIU 7:21

Zabad, Shuthelah, eno anu kütami kini Ezer ngo Elead pama ye Gath lo atsüaqu püka niye iqi kelono tile küami no heqhive.

AMUS 6:2

Calneh lo wuno julo, tilau no Hamath phughi kuloghi lo wulo; tishino Philistiamiw Gath lo iqilo. Nongu ye aghakhu hipaqo nguno akiviu keshea? Momu pano lughi ye no lughi nguno akuloghiu keshea?

ZEKHARIA 12:3

Tipa tsalani I no ashiaye kümtsü ghenguno Jerusalem pesü atu kimshi toi shitsü nani. Mtsüqheino ti peqheju kemi kümtsü no izave nani. Ayeghiqha lo shiye kümtsü no hekütsü pe tipau mjochile nani.

JOSHUA 13:3

(Egypt kipelau Shihor lono ahuu küdau Ekron ghuthu kuto, ti ye Canaanmiw kepi kihi cheni; tipa qhalo Philistiami kükami pungu no hipaqo shou ka che, Gaza, Ashdod, Ashkelon, Gath eno Ekron), eno apeu Avvim yeghi lo akeqo,

JOSHUA 15:11

Aghuthu ye Ekron lono ahuu naghuto kikime kuto iqho, tileno homxasü Shikkeron küdau ighi no Baalah naghuto vechesü Jabneel lo ipeve ani. Tishino aghuthu ye azüghi lono kishekha ani.

SAMUEL ATUGHIU 17:4

Tile Philistiami ghazü lono asachuu lakhi Gathmi Goliath ipikeu no khalau ipeghi, pa ye akushulau aunhekipshe toku.

SAMUEL ATUGHIU 17:52

Israelmi ngo Judahmi no ighasü Gath ngo Ekron khagho kutolo Philistiami hawu, ikehu Philistiami izave keqo ye Shaaraim lono Gath ngo Ekron dolono ikiqi khave.

SAMUEL ATUGHIU 29:6

Tileno Achish no David kuno pi, “Ampeu xü anike no ye amikucho shi acheni, eno I gholo aghüla wuni keu ye achipie pi ni ye kümsü ani. Kughengu nono I lau ighike tsala lono ishi kutolo ni ye akumou kiumu ithulu mphi. Ikeghi ampemi no o pulo movae.

SAMUEL ATUGHIU 5:11

Tighenguno panongu no wuno Philistiami ampemi kümtsü ghakütsü no pi, “Israel Lhouw Puloshoqhi Bohu tsüpuwuve lo, ti ye pa-a lo idewove pelo, tishikeu lono tino ningu eno niw timiqo heqhimo nani.” Kughengu kichimamai keu kije no mishighüna kümtsü shou ighive ake. Ampeu u no ighono mishishei tile ighiveke.

SAMUEL ATUGHIU 5:7

Kughou Ashdodmi no kiu shi akeno ithuluve kelo ye panongu no pi, “Israel Lhouw Puloshoqhi Bohu ye ningu gholo püa kepu kumoe, kughengu pa u no mkamghai ningu eno ni lhou shou ikughi anie.”

SAMUEL ATUGHIU 6:2

Philistiami no achinemi ngo tumumi ku no pi, “Ningu ye Ampeuw Puloshoqhi Bohu pesü kiu shiveni kea? Kiu pesü tipau gholo küqhano pa-a lo tsüchile puwoveni kela ni vilo pilo.”