SAMUEL ATUGHIU 4:4 - Sumi Naga CL (Re-edited) Bible (BSI)

⁴ Ikehu Shiloh lono aqokitikhi Mpeu, Khuu Cherubim küka lakhü shou akeno Paw Puloshoqhi Bohu peighive. Eno Eli nuli, Hophni ngo Phinehas pama ye Alhouw Puloshoqhi Bohu gholo ae.

BAIBEL (BSI)

⁴ Ikehu panonguno aghini kishimi Shilo lo hapuwuno AMPEU wu Puloshoqhi Bohu khikhi Akughushu MPEU kukano achekeu kiqi shi peitha chekeno tipau ikhiluve. Eli nu Hofni ngo Fineha pamaghi Puloshoqhi Bohu gholono ighi.

SAMUEL ATUGHIU 4:4 Iomraidhean Croise

SAMUEL AKINIU 15:24

Ikelo Abiathar no ighive, eno julo, Zadok ghi Levimi kümtsü sasü Alhouw puloshoqhi bohu xapu ighive. Timi kümtsü no aphughi heche wuve moke kutolo panongu no Alhouw puloshoqhi bohu ghope qhive.

SAMUEL AKINIU 6:2

Eno pa no pa gholo akeqo kümtsü sasü Baale-judah lono Alhouw puloshoqhi bohu, ti ye cherubim shou kükalakhü akeu lo iqa chekeu aqokitikhi Mpeu je lono kukeu, süghini ye wuve.

KUKAMI AKINIU 19:15

Pa no Ampeu zülono inikhu no pi: “O Ampeu, Israel Lhou, Cherubim shou iqa akeu, ayeghi lo kükaqha kümtsü shou O likhi no Alhou ke; Nono kungugha ngo ayeghi lhoke.

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.

LESHELE 80:2

Ephraim, Benjamin, ngo Manasseh zülo O kumto pephe, eno ighi no ningu xaphe lulo!

LESHELE 99:1

Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

ISAIAH 37:16

“O aqokitikhi MPEU, Israel Lhou, cherubim shou kükalakhü lo iqa chekeu, ayeghi lo kükaqha kümtsü shou Alhou ye O likhie; Nono atsütsü eno ayeghi lhopheke.

MALAKI 1:9

Eno itehi ye Alhouw kimiyekini qhüiniju lo, tishi aye Pa no ningu küpüqhiyi luvike. Agho titoi keu lakhi vecheo Pa ye ningu lau küpüqhiyi keu piyeni keshea? ipi aqokitikhi Mpeu no pi.

AKIKIHI 4:15

Kughou Aaron ngo pa nuliqo no Akimthe-a eno tipau lo tinhemgha kümtsü küzü khaveni keno, tithiu no Kohath laghami no tipaqo xapu nike ighini, ikemu panongu ye akimthepu thimeqo bumoni, tikumo aye thive nosake. Kohath laghami no Aphiki lo nhemgha xapuni keu ye hipaqo ke.

AKIKIHI 4:5

Kughou aghazü iqeve kepu shini keno, Aaron ngo pa nuliqo no ilo nhaqhiphi xape Puloshoqhi Bohu khonhani.

AKIKIHI 7:89

Kughou Moses no Ampeu sasü küptsani ye Aphiki lo ilo keno, pa no Puloshoqhi bohu shou cherubim kini dolo küpükini lakhü akeu shouno asütsa lakhi chilu, eno tino pa pütsae.

SAMUEL ATUGHIU 1:24

Kughou li no pa khove keno li no pa sasü wuno li gholo ampe küthü mishitsü lakhi, ashothi akho lakhi eno atsaizü ashiyiko hughi lakhi pesü Shiloh lo Ampeu kilo süghi. Anu ye itimi shiae.

SAMUEL ATUGHIU 14:3

panoqo gholo Shiloh lo Ampeu chineu Eli nu, Phinehas nu, Ahitub nu, Ichabod thiküzüu Ahijah ye achinemi phimini pepuve no ngo ae. Ikemu timiqo ye Jonathan no wuve keu ithimoe.

SAMUEL ATUGHIU 2:22

Eli ye ighono muchomi shive eno pa nu pama no Israelmi kümtsü lau kiu shiche eno kuposhukulu phiki kulaghi lo pama no totimi akümla kishimi sasü kishi züche keno chilu che.