SAMUEL ATUGHIU 4:3 - Sumi Naga CL (Re-edited) Bible (BSI)

³ Kughou timiqo no aghazü lo ighi keno, Israel lo layemiqo no pi, “Kushiye Ampeu ye ningu pelo Philistiami zülo tomlave pe ani kea? Ningu no Ampeuw Puloshoqhi Bohu Shiloh lono hile peighini nolo, tishiaye tipau no ningu gholo ighi no aghümi küka lono ni xalu nani.”

BAIBEL (BSI)

³ Kughou ghiqhi khamokeqo ghushimino aghazulo ide ighikeno, Israilmi sakipheuno pi, “Kushiye Filistiyami pelono ishiye ningu shou toluve anipe kya? Ningu wuno AMPEU wu Puloshoqhi Bohu Shilo lo akeu sughivenie, tishikeu lono pano ningu sasu wuno ningu ghumi wu lono ningu xalu nani.”

SAMUEL ATUGHIU 4:3 Iomraidhean Croise

SAMUEL AKINIU 15:25

Tishino akükau no Zadok vilo pi, “Mishighüna lo Alhouw puloshoqhi bohu xapu ilove lo. Tsala Ampeu nhethe lo I kimiyelu kepu aghi aye, Pa no I sachile ighi no I pelo tipa kungo-a ithulupe nani.

YEKIKITHI ATUGHIU 17:1

Ghuthu lakhi David no pa kilo akelo tungkupu Nathan vilo pi, “Julo, ni ye cedar no mlakeu kilo acheni, ikemu Ampeuw Puloshoqhi Bohu ye aphiki qholo anie.”

LESHELE 74:1

O Alhou, No ye kushiye alholo ni hapupove ani kea? Kushiye O tsüni kümtsha-a lo ambeqo shou amloide ani kea?

LESHELE 74:11

Kushiye No ye O u ajeu süchile luve ani kea? O u kumshope akeu ikhiphe luve no panoqo kütsave lo!

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

ISAIAH 58:3

‘Kushiye nino kümvü akeghi, No ye jutsümo kea? Kushiye nino aqhokigheu shikeu ithi tsümo kea?’ Julepi, nongu no kümvü akelo ghi, nongu ye nongu pulou shi cheni, eno nongu kümla kishimi qodaqhi cheni.

ISAIAH 59:1

Julo, Ampeu u ye ikholove no nongu xaluni keu tolumo ake kumoe, momu Pa kini ye ipove no nongu sütsa chilumo ake kumoe;

ISAIAH 59:2

ikemu nongu xine no nongu ngo Alhou dolo kijethavae, eno nongu xine ghenguno Pa gi nongu launo tsüghüvae tighenguno Pa ye nongu ghügha chilu amoe.

JEREMIYA 3:16

Tipa ghuloki lo kughou nongu no ayeghi lo kughuko eno ishewoni keno, Ampeu no asheshu ani, timiqo ye, “AMPEUw Puloshoqhi bohu,” ipi move nani. Ti ye akükümsü lo ighi move eno kümsülu move momu vezümo nani; eno mla kithemo nani.

JEREMIYA 7:4

Pishikiqhi tsa hipaqo shou pükhübe kevilo: ‘Hi ye Ampeu chineki, Ampeu chineki, Ampeu chineki ke.’

AKIKIHI 10:33

Tithiu panongu no akimthe toghi lono atsala küthü ghüzüla lo wuve. Eno AMPEUw Puloshoqhi Bohu no atsala küthü panongu züuno aghazü-a phunike wuve.

AKIKIHI 10:35

Puloshoqhi Bohu pesü wuni kelo Moses no piche. “Ithulo, O Ampeu, O ghümi hapupove tsülo, eno O mithi chekemi pelo O zülono pove pelo.”

AKIKIHI 31:6

Moses no ghüshimi hekütsülu keqo aghüshi lo puwuve, panoqo gholo achineu Eleazar nu Phinehas pelo akimthe-a lo abohu ngo kütüghü kepu afuko ishi pesü wupe.

ZAKINIU 29:24

tile shiye kümtsü no ishi pi nani, ‘Ampeu ye kushiye axuide aghakhu hipau lau hitoi shi kea?’

ZAKINIU 31:26

“Ayezah kaku hipau ikhipe Ampeu nongu Lhouw Puloshoqhi bohu phivilo qhilo, tishianguno tino Paw timiqo shou thopi shinani.

2 Tim. 3:5

ju keloye Alhou sükümsami toi kemu Alhou küka milive kemi. Timi hitoi keqo launo putosü lo.

IBRIMI 9:4

tile tsüngqüi keu kiptia ameshoyi no shikeu ngo puloshoqhi bohu ameshoyi no ako kümtsü küzüve keu ache, tipau alou ameshoyi bohu lo manna süpüa, Aaron küsü anipa ishe ipeghive keu, eno atulupha kini lo puloshoqhi tsa yepe qhikeu ache.

JOSHUA 4:7

nongu no panongu vilo Ampeu Puloshoqhi Bohu zülo, kishi Jordan ghoki no qowu move keno pilo. Kughou ti huno Jordan ghoki katha keno, Jordan züghi no kotha kütüta shive. Tighenguno atu hipaqo no alholo kümsüchile kepu michike.”

JOSHUA 6:6

Ikehu Nun nu Joshua no achinemi kuno pi, “Puloshoqhi bohu peluve lo, eno achinemi tsüni no Ampeuw Puloshoqhi bohu züu ambetsü kibo no mlakeu fuko pesü chewulo.”

JOSHUA 7:7

Tishino Joshua no pi, “Aha, O Ampeu Alhou, No ye kushiye Amorimi u lono timi hipaqo kütsaveni keghi sasü Jordan katha ighipe kea? Ningu ye Jordan kukuu mu küghüna aniche keghi lae.

JOSHUA 7:8

O Ampeu, ni ye kiu pini kea? Israelmi no aghümi zülono shothi ighivae.

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

Jude 1:5

Itehi ni ye nongu no püzüu no ithive keu tsa pesü ghutu kitheni shiani, ike Ampeu khuu no Egypt yeghi lono timiqo xaphelu keno, athiu ye pülümo keqo pithive ke.

SAMUEL ATUGHIU 1:24

Kughou li no pa khove keno li no pa sasü wuno li gholo ampe küthü mishitsü lakhi, ashothi akho lakhi eno atsaizü ashiyiko hughi lakhi pesü Shiloh lo Ampeu kilo süghi. Anu ye itimi shiae.

SAMUEL ATUGHIU 14:18

Ikehu Saul no Ahijah vilo pi, “Alhouw puloshoqhi bohu hile süghilo.” Kughengu tipa ghuloki lo puloshoqhi bohu ye Israelmi gholo ake.

SAMUEL ATUGHIU 4:2

Philistiami no kujojo Israelmi lau ighive, eno kughou aghüshi huthu keno Israelmi ye Philistiami zülo tomlave, eno timi 4,000 aghüshiqa lono thive.