SAMUEL ATUGHIU 4:17 - Sumi Naga CL (Re-edited) Bible (BSI)

¹⁷ Khuu asütsa kithe peighi keno pa no khochile, “Israelmi kümtsü Philistiami zülono pokhavae, eno timiqo lau thekiqhi kije ighivae. O nu Hophni ngo Phinehas pama ghi thivae, eno Alhouw Puloshoqhi Bohu ye süxa luvae.”

BAIBEL (BSI)

¹⁷ Aghini kishiuno khochile, “Israilmi ye Filistiyami zulono pokhavae; hiye ningu ghenguno ighono tokumlapu shiva! Tilikhi kumono, onu Hofni ngo Fineha pamaghi ghiqhi pithivae eno AMPEU wu Puloshoqhi Bohu ghi suxapesu wuvae!” ipi.

SAMUEL ATUGHIU 4:17 Iomraidhean Croise

LESHELE 78:61

Pa no Puloshoqhi bohu Pa kimthe juküvü eno Pa küka hu, ni ghümi u lo phesüve tsü.

LESHELE 78:64

Pano chinemi ghi azütakikihi lono ikiqive, eno chimemi no mloqa moe.

SAMUEL ATUGHIU 2:34

Hipau vehu khikhi anu Hophni ngo Phinehas pama lau ikughi niye ani keno ti ye amchipu shi nani: pama gha atsala lakhi lono thive nani.

SAMUEL ATUGHIU 3:11

Tile Ampeu no Samuel vilo pi, “Julo, Israel lo thime lakhi I no shiniye ani, tipau shikelo khuno kini no chiluni keno panoqo kümtsü akini mutho ghüghüi nani.

SAMUEL ATUGHIU 3:12

Tipa tsalani I no Eli kibolomi ghenguno piqhi püakeu kümtsü abothu lono ashekha kutolo shikupu nani.

SAMUEL ATUGHIU 4:16

Timi huno Eli vilo pi, “Aghüshiqa lono khuu poighi keno ti huye ni ke; ishi aghüshiqa lono I no pojolue.” Eli no pi, “I nu, kishive kea?”

SAMUEL ATUGHIU 4:18

Pa no Alhouw Puloshoqhi Bohu jeku kemtsa, Eli ye khagho phivilo pa lakhü lono azübou no ikiqi veqhive eno akuo shochheve no thive, kughengu pa ye kitemi shive eno mishisheive ke. Pa ye Israelmi shou ampe lhobidi xaküthami shi ighie.