SAMUEL ATUGHIU 26:21 - Sumi Naga CL (Re-edited) Bible (BSI)

²¹ Tile Saul no pi, “I no axine shivae. Ideighi lo, I nu David, ni ye o ghime moae, kughengu nono ishi I küxü akughupu shi kihitsüe. Julo, I no mbomzü shivae, eno akumou kümla kije shivae.”

BAIBEL (BSI)

²¹ Saul no khochile, “Ino mla kuquvae. Ide ighivelo, inu, David! Niye khilemu akiniu oghime moae, kughengu nono itiji ikuxu pukhalu tsue. Ino tumhotuzu shivae! Ino kumsapu kumla mlavae!”

SAMUEL ATUGHIU 26:21 Iomraidhean Croise

KUKAMI AKINIU 1:13

Akükau no itaghi aküthüu ghüshimi lhopungu shou kepten gholo paw ghüshimi lhopungu pa lau puwu. Kepten aküthüu no iqhoghi no Elijah zülo qhoqhünhepe pa vilo pi, “O Alhouw timi, kimiyeno ni eno o qemi lhopungu küxü o nhethe lo küpüqhiyi tsülo.

KUKAMI AKINIU 1:14

Julo, ami no kungugha lono iqighi no kepten atüghüu pama eno pamaw timi lhopungu pitivae, ikemu itehi ye o nhethe lo I küxü küpüqhiyi tsülo.”

LESHELE 116:15

Ampeu nhethe lo Paw akimthemi thive keu ye akughupu ke.

LESHELE 49:8

kughengu pano xakipheme ye amekusho kehu khilemu lukümkha shi ame tsüve mlae,

LESHELE 72:14

Qodaqhi eno hekiqhi lono Pa no panoqo küxü qhüchilelu, Pa nhethe lo panoqo ji ye akughupu ke.

IPEKULU 9:27

Tithiu Pharaoh no Moses ngo Aaron kupuwu no pi, “Ishiu loye I no axine shivae; Ampeu no achipiu lo ani, ni eno Iw timiu no achipikumo lo anie.

AKIKIHI 22:34

Tileno Balaam no AMPEUw kungumi vilo pi, “I no pimivae eno ni ye nono I hachileni ye alaghi lo puthugho akeu mthaveke. Tighenguno itehi, hino o zülo akumou shi aghi aye ni ye idechile woniae.”

MATTHEW 27:4

eno pi, “Küqümo keu timi thechuve keu lono I no axine shivae.” Panongu no khochile, “Nino kiu shitsü lopi kea? Ti ye o makhoae.”

SAMUEL ATUGHIU 13:13

Samuel no Saul vilo pi, “No ye mbomzü kümla shivae. No ye Ampeu o Lhou no azah o tsükeu pemovae. Kughengu Ampeu ye alholo o kükaqha pesü Israel kümtsü shou iqhikumto tsüniye ake.

SAMUEL ATUGHIU 15:24

Saul no Samuel vilo pi, “I no axine shivae, kughengu ni ye Ampeu zakütsü eno o tsa lumove keu xine shivae, kughengu ni ye timiqo msave no panongu tsa luve ke.

SAMUEL ATUGHIU 15:30

Saul no pi, “I no axine shivae; tishimu Iw timi layemi eno Israel zülo I gihu tsülo eno I gholo idewo tsülo, tishino I no Ampeu o Lhou zülo itsaqini.”

SAMUEL ATUGHIU 18:30

Tithiu Philistiami zatsümi no aghü shinike ashou ipeghi, ikemu panongu no khije ashou ipeghi keno David no Saul qemi nguno alau itaghi tokulu shilu, tishikeu lono pa ye shishe agigihu ithulu.

SAMUEL ATUGHIU 24:17

Pa no David vilo pi, “No ye I nguno amikuchoue, kughengu I no alhoksa pesü o tsü keghi nono akivi pesü I lochilevae.

SAMUEL ATUGHIU 26:22

David no pa khochile, “Angupa hi ani, O akükau! Apumiqo dolo lakhi no ighi no luvelo.

SAMUEL ATUGHIU 26:24

Julo, I no ishi o küxü akughupu shi kihitsü ketoi Ampeu no Pa zülo I küxü akughupu shi kihitsü peni, eno pishipuju keu kümtsü lono I xaphetsü peni.”

SAMUEL ATUGHIU 27:4

Kughou Saul vilo David ye Gath lo povae pi keno, pa ye phuwu move.