SAMUEL ATUGHIU 26:11 - Sumi Naga CL (Re-edited) Bible (BSI)

¹¹ Mthamini ni ye khilemu Ampeuw nukikishe shou I u bemo nani. Ikemu pa kütsü phivilo angupa ngo azübohu akeu luve lo, eno nikujo ye wuveni.”

BAIBEL (BSI)

¹¹ AMPEU no khuu pesu akukau shivetsu akeno tipau shou ino au benikeu momu ghime keuye AMPEU pulou kumoe! Tighenguno nikujo pa ngupa ngo pa zubohu likhi pesu wuveni shilo.”

SAMUEL ATUGHIU 26:11 Iomraidhean Croise

SAMUEL AKINIU 1:14

David no pa vilo pi, “Kushiye no ye Ampeu no nukisheve keu shou o u beni keu msa move kea?”

SAMUEL AKINIU 1:16

Eno David no pa vilo pi, “O ji no o kütsü lo ikuve peniu, kughengu o likhi o kichi no o pimi ghi thopi shivae, eno pi, ‘I no Ampeu no nukishe keu ghiqhivae.’”

SAMUEL AKINIU 19:22

Ikemu David no pi, “Zeruiah nuliqo, ni ye nongu lau kiu shive pi ishi tsala lo I külami shi ani kea? Ishi tsala lo ghi Israel lo khuana pithive kepu keshea? Ni ye Israel kükau ipi ithi move ani keshea?”

LESHELE 17:4

Timi kümla lo O kichi lono ipeghi keu tsa lono ni ye ngukangughami laghi mxüve.

Rommi 12:17

Alhoksa shike ghenguno alhoksa pesü tsüchile kevilo, ikemu kiu no aqha zülo agigihupu keno tishini keu kümsü lo.

Rommi 12:19

Kimiye chekemiqo, khilemu nonguu no amkhü luve kevilo, ikemu ti ye Alhou loghu lau picheve tsülo, kughengu hitoi yepüani, “Amkhükulu ye Iw ke, I no tsüchile nani ipi Ampeu no pi.”

1 Peter 3:9

Alhoksa pesü alhoksa lochile kevi, momu pipütha keu pesü pipütha kevilo, tipa züqhulo, kümghatsü kilelo, kughengu nongu ye hipau lo kuluvae, tishikeu lono nongu pelo kükümgha ithulu peniye ke.

SAMUEL ATUGHIU 12:3

Ni ye hile ani; Ampeu zülo eno Paw nukikishe zülo I lachile kepu aghi aye thopi shijulo. Khuu mishitsü momu khurha I no luvetsü kea? I no khuu pishiqhi chuve momu khuu qhasüve kea? Momu khuu u lono I no külügho luve no tino I nhethi miyi luve kea? I lachile ghi thopi shijulo eno I no tipaqo nongu lochileveni.”

SAMUEL ATUGHIU 24:12

Ampeu no nikujo dolo xathatsü peniu, Ampeu no o lau I mkhü lutsü peniu, ikemu I u ye o shou süqhemo nani.

SAMUEL ATUGHIU 24:4

Davidw timiqo no pa vilo pi, “Ampeu no o vilo, ‘I no o ghümi pesü o u lo sütsü nani, eno nono pulo kümsü aketoi pa lau shilu nani,’ ipi püakeu tsala ye hike.” David no mükhano ipe Saulw chijeboike phishe ghotha luvetsü.

SAMUEL ATUGHIU 24:6

Pa no paw timiqo vilo pi, “Pa ye Ampeuw nukikishe kepi ithi apülaghi I no I mpeu shou hitoi I u süqheni keu ye Ampeu msa nolae.”