SAMUEL ATUGHIU 22:7 - Sumi Naga CL (Re-edited) Bible (BSI)

⁷ Saul no pa qemi vilo pi, “Inilo, Benjamin timiqo; Jesse nu David no aluza ngo atsailu nongu kümtsü tsülu nanio? Nongu kümtsü pesü qhethonhe eno aqhe zatsüu shitsü nani keshea?

BAIBEL (BSI)

⁷ pano ishi pawu kijemi vilo pi, “Inijulo, Benjamin lagha timiqo! Nonguye David no aluqhaqo, atsailuqo tsuni kughashi kumsu anikesha eno nongu pesu pawu ghushimi kijemi shipeni cheni kughashi anikesha?

SAMUEL ATUGHIU 22:7 Iomraidhean Croise

SAMUEL AKINIU 18:1

Tithiu David no pa gholo timi akemi hekumqo no panoqo dolo qhethonhe eno aqhe shou zatsüu qhive.

SAMUEL AKINIU 20:1

Tipa ghuloki lo ameküküha timi lakhi ache, pa je ye Sheba, Bikhri nu, Benjaminmi. Pa no afuko küigha no pi, “Ningu ye David gholo asaje kühae, eno Jesse nu gholo amheghi kühae; kümtsü no aki lo wovelo, O Israel!”

KUKAMI ATUGHIU 12:16

Kughou akükau no Israelmi kümtsü tsa initsü move keu ithive keno, panongu no pa khochile, “David launo ni saje kiu ani kea? Ningu ye Jesse nu launo amheghi kiumu kühae. O Israel, pütüta pusho lo wovelo! David, o lagha julo.” Ikehu Israelmi no pütüta pusho lo wove.

YEKIKITHI ATUGHIU 12:16

Itaghi Benjamin ngo Judah laghami khami no David lau sükusho-a lo ighi.

ISAIAH 11:1

Jesse süzüngü lono akhuni ipeghi nani, eno pa kuhu loka lono axathi pithi nani.

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

SAMUEL ATUGHIU 18:14

Eno pa no shikeu kümtsü lo tokulu shilu, kughengu Ampeu no pa gholo ake.

SAMUEL ATUGHIU 20:27

Ikemu thoghiu aqhi kithe pine thiu ghi David-a ye kümsa shive. Ikehu Saul no pa nu Jonathan vilo pi, “Kushiye Jesse nu ye ighina ghi ishi ghi aghulhu lo ighimo kea?”

SAMUEL ATUGHIU 20:30

Saul no Jonathan shou amlo ideve no pa vilo pi, “No sakibideu eno hekibideu nu, o kukujo kumoshi eno o za shipütha ghi nono Jesse nu kishe luve keu ni ye mtha küghashi keshea?

SAMUEL ATUGHIU 22:13

Saul no pa vilo pi, “Kushiye no eno David ye I shou küsüqe ani kea? Nono asho ngo azütakikihi pesü pa tsüno Alhou lau pa vehu ighiju tsü kehu ishi pa ye I hebide ithughi no I miqe ngokhe ani.”

SAMUEL ATUGHIU 22:9

Tileno Edommi Doeg no khochile, “David no Nob lo Ahitub nu Ahimelek lau ighi keu I no ithulue,

SAMUEL ATUGHIU 25:10

Nabal no David qemi khochile, “David ye khuu kea? Jesse nu ye khuu kea? Itodolo aqemi kutomo no pano mpemi launo pokawuve ani.