SAMUEL ATUGHIU 20:9 - Sumi Naga CL (Re-edited) Bible (BSI)

⁹ Jonathan no pi, “Khilemu tishimoe! I pu no o ghüza nike kughuve aghi aye, ni ye o vilo pimoni keshea?”

BAIBEL (BSI)

⁹ Jonathan no khochile, “Khilemu akukumsu lomu hikithipu kumsu phekevilo!” “Ipuno opithiveni keu kuchughu akeu ithike aye niye ovilo pimoni chekesha?”

SAMUEL ATUGHIU 20:9 Iomraidhean Croise

SAMUEL ATUGHIU 19:2

Jonathan no David vilo pi, “I pu no o pithive niye ani. Tighenguno thanau inaqhe o jukuto luve lo. Tuqhou-a lakhi lo itshü luve lo.

SAMUEL ATUGHIU 19:3

I no wuno aluza khile nono ani keno tilehi I pu phivilo ngono pa vilo o ghili pini. Tsala I no kiuala ithilu aye o vilo pini.”

SAMUEL ATUGHIU 20:10

David no khochile, “Tsala o pu no mkamghai o pütsa aye khuu no I vilo pitsüni kea?”

SAMUEL ATUGHIU 20:38

Jonathan no pa kuno pi, “Mtazü lo! Papashi lo! Ngoa kevilo!” Ikehu apumi no apijiqo hekütsü luve no pa mpeu lau ighi.

SAMUEL ATUGHIU 20:42

Tileno Jonathan no David vilo pi, “Aloino wolo, kughengu nikujo no Ampeu je lono tushoqhi püani, ‘Ampeu no nikujo eno nikujo tikughuko gholo pülhapuju apeniu.’” Tishino David ye wuve eno Jonathan ghi mishighüna lo idewove.

SAMUEL ATUGHIU 20:8

Tighenguno, o qeu kimiyeqhiyi tsülo, kughengu nono o qeu sasü Ampeuw puloshoqhi shivae. Ikemu tsala I no pimi aghi aye, nou no I heqhive lo, kughengu kushiye I küghape o pu tsüveni kea?”