SAMUEL ATUGHIU 20:8 - Sumi Naga CL (Re-edited) Bible (BSI)

⁸ Tighenguno, o qeu kimiyeqhiyi tsülo, kughengu nono o qeu sasü Ampeuw puloshoqhi shivae. Ikemu tsala I no pimi aghi aye, nou no I heqhive lo, kughengu kushiye I küghape o pu tsüveni kea?”

BAIBEL (BSI)

⁸ Ighenguno aghini hipau shitsulo nono isasu ashou kuchou shilukeu kiqi lono ino kiu opithivea keno amlolo qhi luvelo. Ikemu ikipimi shi aghi aye, nono iheqhivelo! Kushiye isasu opu pelono iheqhi pithi penike pa lau isawu anikya?”

SAMUEL ATUGHIU 20:8 Iomraidhean Croise

BOTHUBO 24:49

Ikehu itehi, tsala nongu no iqemokeu kikimiye eno pükhükulu I mpeu lau piyeni shi aye, I vilo pilo; tishimla namu I vilo pilo, tishianguno I no au ajeu momu piyiu tsüghü wu junie.”

BOTHUBO 47:29

Kughou Israel thiveni keu do kupunuve keno, pa no pa nu Joseph kuno pi, “Tsala o zülo I kimiyelu kepu shi püaghi aye, I lukobo qholo o u beno kikimiye eno kuchou lono I lau mlani pi tushoqhi lo. Egypt lo I kumo shiqho kevilo,

SAMUEL AKINIU 14:32

Absalom no Joab khochile, “I no o lau atsa pi puwu, ‘Hilau ighilo, tishianguno I no akükau lau o puwu no ishi iniju tsüpeni, “Kushiye ni ye Geshur lono ighi kea? Tilau ngo akeu no I ghenguno akiviu shi aghini cheke.” Tighenguno itehi I pelo akükau zülo wulu pelo, eno I lau akipimi aghi aye, pa no I heqhive peni.’”

YEKIKITHI ATUGHIU 12:17

David no panoqo sholu nike khalau ipeghi no pi, “Nongu no aküsami kiqi lono I kuphu niye ighi aghi aye, I mlo ye nongu gholo ani; ikemu I küghape I ghümi lau thechu niye aghi aye, I u pesü nongu shou bemo namu, ni puasü Lhou no nongu sakiyi nani.”

LESHELE 116:11

Ni ye kichimamaive püzü “Timi kümtsü kimkimi ke” ipive ke.

AHOLE 3:3

Iqemokeu kikimiye ngo pükhükulu no o qhivepe kevilo; o kuo veho tsüghapu lulo; o mlo tu lo tipaqo yepuku lo.

Apostolmi 25:11

Tsala I no akumou kümlami shiaghi eno I kümla lhoksa ghenguno thive küzüpu shiaghi aye, ni ye akithi lono pojolu nike khuamoe. Ikemu panongu no I nguku akeu no kuchou kumo aye, khunomu I pesü panongu tsüve mlae. Ni ye Caesar launo xatha nike khuani.”

JOSHUA 2:14

Timi pama no khochile, “Ni küxü ye no ghenguno akithi kutolomu tsüveni! Tsala nono ni vehu hipau piphe tsümo aye, kughou Ampeu no ayeghi ni u lo phesüve tsüni keno, nino akivishi eno piqhi püakeu kiqi lono nongu tucho nani.”

JOSHUA 22:22

“Akughushu Lhou Ampeu! Akughushu Lhou Ampeu! Pa no ithi ani eno Israelmi ampi no ithilo. Tsala hino hekibide momu Ampeu shou aküpülü hephove aghi aye, ningu kipimi qhitsü kevi,

RUTH 1:8

Ikemu Naomi no li mukishiu pama vilo pi, “Nokujo pütüta shelo apuaza kilo wovelo. Nokujo no thive kemi eno I tucho ighive ketoi Ampeu pelo kimiyeqhiyi nokujo tucho peniu.

SAMUEL ATUGHIU 18:1

David no Saul pütsa tave kemtsa Jonathan mlo no David sasü lakhi shiluve, Jonathan no pa ampi kimiye aketoi David kimiyeve.

SAMUEL ATUGHIU 18:3

Jonathan no David sasü puloshoqhi shi, kughengu pa no pa ampi kimiye aketoi David kimiyeve.

SAMUEL ATUGHIU 20:16

Jonathan no David kibolomi sasü puloshoqhi shino pi, “Ampeu no David ghümi shou amkhü lutsü peni.”

SAMUEL ATUGHIU 20:9

Jonathan no pi, “Khilemu tishimoe! I pu no o ghüza nike kughuve aghi aye, ni ye o vilo pimoni keshea?”

SAMUEL ATUGHIU 23:18

Pama no Ampeu zülo puloshoqhi shi. Eno David ye Horesh lo ngove no Jonathan no aki lo wove.