SAMUEL ATUGHIU 20:41 - Sumi Naga CL (Re-edited) Bible (BSI)

⁴¹ Apumi huno wove kemtsa David no atuqo amoqhe püakeu lono ithughi no ayeghi lo ghuthu küthü itsaqi. Pama lakhino lakhi müma no qae, ikemu David pachi qae.

BAIBEL (BSI)

⁴¹ Itimi huno cheve kethiuno David no atupikiye tikhau no puthugho ithughi no khonhequ pa gizulo pishiqhope ghuthu kuthu itsaqi tsu. David ngo Jonathan pama kumma ghi qaukhave. David mlo ghime nguno alauno Jonathan no amlo ihshi kutuve.

SAMUEL ATUGHIU 20:41 Iomraidhean Croise

BOTHUBO 29:11

Tishino Jacob no Rachel müma no igha qauve.

BOTHUBO 29:13

Laban no pa tikishiu Jacob sütsa chilu khavi pa sasü kusho niye posü wuno pa valuve no müma eno pa kilo pa saighi. Jacob no Laban vilo thokha kümtsü pive,

BOTHUBO 33:4

Ikemu Esau no pa sholu nike posü ighi eno pa vape luve no müma, eno pama gha qauve.

BOTHUBO 42:6

Tipa ghuloki lo Joseph ye Egypt yeghi lo angh shiae. Ayeghi lo timi kümtsü lau athi jetsü akeu huye pa ke. Joseph pamu noqo ghi ighi no panongu gi ayeghi lo pishiqho pe pa zülo itsaqi.

BOTHUBO 43:28

Panongu no pi, “O qeu, ningu papu ye akivishi ani; pa ye xü aphie.” Eno panongu no pano kütsü pishiqho no qhoqhünhe.

BOTHUBO 45:15

Eno pa no pa thiküzümi kümtsü müma no qa. Tithiu no pa thiküzümi no pa pütsae.

SAMUEL AKINIU 1:2

Atsala aküthüni, julo timi lakhi aphimini süxüve no ayeghi pa kütsü shou epuku no Saul ghazü lono ighi. Kughou pa no David lau ighi keno, pa no ayeghi lo qhoqhü luve no agigihu tsü.

SAMUEL AKINIU 1:26

I thiküzüu Jonathan, o ghenguno ni ye ijuime anie; no ye I lau ighono alokepu shie; I lau ow kikimiye ye akighiche, totimiw kikimiye vekiye ke.

SAMUEL AKINIU 14:4

Kughou Tekoami topumi huno akükau lau ighi keno, li no ayeghi lo agi pishiqho no agigihu tsü ghi pi, “O akükau, I xalulo.”

SAMUEL AKINIU 19:39

Tithiu timi kümtsü no Jordan kathasü wuve, eno akükau ghi cheve. Pa no Barzillai müma no pa kümghatsü, eno pa ye pa kilo idewove.

SAMUEL AKINIU 9:6

Saul tilimi, Jonathan nu Mephibosheth no pa lau ighi no pa gi pishiqho luve no agigihu tsü. David no pi, “Mephibosheth!” Pa no khochile, “Julo, ni ye o qeuke.”

KUKAMI ATUGHIU 1:16

Bathsheba no akükau zülo itsaqi no agigihu tsü, eno akükau no pi, “No ye kiu avehupu shi ani kea?”

KUKAMI ATUGHIU 1:23

Aghinimi no akükau vilo pi, “Tungkupu Nathan ighi ani.” Pa no iloghi no akükau zülo agi pishiqho.

KUKAMI ATUGHIU 1:31

Tileno Bathsheba no li gi pishiqhope akükau agigihu tsüno pi, “I mpeu akükau David pelo axüshu apeniu!”

Apostolmi 20:37

Tile panongu kümtsü no qaukhave; eno Paul vape no müma,

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

SAMUEL ATUGHIU 18:3

Jonathan no David sasü puloshoqhi shi, kughengu pa no pa ampi kimiye aketoi David kimiyeve.

SAMUEL ATUGHIU 20:40

Jonathan no aghüshi nanu apumi tsüno pi, “Hipaqo pesü mishighüna lo wolo.”

SAMUEL ATUGHIU 24:9

Eno Saul vilo pi, “Kushiye o vilo, ‘Julo, David ye o ghüza niye phucheni,’ ipikeu tsa ini cheni kea?

SAMUEL ATUGHIU 25:23

Kughou Abigail no David ithulu keno, li no mtazü wuno khurha lono iqighi püzü David zülo itsaqi ayeghi lo pishiqhove.