SAMUEL ATUGHIU 20:17 - Sumi Naga CL (Re-edited) Bible (BSI)

¹⁷ Jonathan no David kimiye kehu itaghi pa pelo tushoqhipe, kughengu pa no pa ampi toi David kimiye ke.

BAIBEL (BSI)

¹⁷ Jonathan no itaghi David pelono pano ighono David kimiyeshe keu hutoi pa ghi tipaphi shi pa kimiyelo pi tushoqhi kithepe.

SAMUEL ATUGHIU 20:17 Iomraidhean Croise

SAMUEL AKINIU 1:26

I thiküzüu Jonathan, o ghenguno ni ye ijuime anie; no ye I lau ighono alokepu shie; I lau ow kikimiye ye akighiche, totimiw kikimiye vekiye ke.

AHOLE 17:17

Shompami ye ado kümtsü lo kimiye kile cheni eno athiküzümi ye aveküsa tüqhüdo ghenguno punu püani.

AHOLE 18:24

Shompami kutomo akemi ye kütsakungo süghive cheni, ikemu khami ye athiazü nguno punukhoi kemi acheni.

JEREMIYA 40:9

Shaphan nu, Ahikam nu Gedaliah no panongu lau tushoqhi pi, “Chaldeami huthuni keu msa kevilo. Aghakhu lo xüno Babylon kükau huthulo, tishiaye nongu ghenguno akivipu shinani.

ZAKINIU 13:6

“Tsala o thiküzüu, o pu-anga, nono kimiye chekeu o nipu, momu o poshuu no tuqhouno o vilo no eno o puasüqo no mthakeu lhou vehulo, ‘Nikujo kütau lhouqo mllani ke shilo,’ ipi aye,

SAMUEL ATUGHIU 18:1

David no Saul pütsa tave kemtsa Jonathan mlo no David sasü lakhi shiluve, Jonathan no pa ampi kimiye aketoi David kimiyeve.

SAMUEL ATUGHIU 18:3

Jonathan no David sasü puloshoqhi shi, kughengu pa no pa ampi kimiye aketoi David kimiyeve.