SAMUEL ATUGHIU 2:8 - Sumi Naga CL (Re-edited) Bible (BSI)

⁸ Pa no ayeghimkhu lono kumlhomi xaqhe; ayevu lono athokhami sünheqhe panoqo pe sakiphemi gholo iqape no agigihu lakhü ighilupe. Kughengu ayeghi tsükuchoqo ye Ampeuw ke, eno tipaqo shou no Pa no ayeghiqha shiqhe pukue.

BAIBEL (BSI)

⁸ Pano kumlhomi amukhu lono sunheqhe eno athokhami pesu avekusa kuxu lono xaqhetsu. Pano kukami pesu panongu kusa pau shitsu eno panoqo pesu akishe agigihu alo qhitsue. Ayeghi boqha ye AMPEU wu ke; tipaqo shouno pano ayeghi kughulhoe.

SAMUEL ATUGHIU 2:8 Iomraidhean Croise

BOTHUBO 41:14

Tileno Pharaoh no Joseph kupuwu, eno panongu no mtazü aqokutho lono pa saipeghive. Pa no akichimhi miyeve, aphimini kilive no Pharaoh zülo ighi.

BOTHUBO 41:40

No ye I kibo shou ampeu shiniae, eno Iw timi kümtsü nono azah tsükeu kiqi lono mlaithani. Kükalakhü vehulo likhino I no o nguno akijeu shini.”

SAMUEL AKINIU 7:8

Ikehu, itehi no ye I qeu David vilo pilo, ‘Aqokitikhi Mpeu no ishi piani, Atsüni kümtsha-a lo ambe pape cheke lono I no no ikhiphepe o pelo Iw timi Israelmi shou sakipheu shipe.

KUKAMI ATUGHIU 16:2

“I no ayeghimkhu lono o süqhepe Iw timi Israelmi shou sakipheu shipe kelaye no ye Jeroboam toi xüuve no Iw timi Israelmi pelo axine shipe, eno panongu xine no I mlo shikighide tsüke.

KUKAMI AKINIU 9:6

Ikehu pa no ithu no aki lo ilove. Alhotheu no thazü pesü pa kütsü lo lepuku tsüno pi, “Ampeu, Israel Lhou no ishi piani, I no o pesü AMPEUw timi, Israelmi shou akükau shi nukishe ani.

JOB 1:21

Pa no pi, “Ni ye I za po lono aphi kümsa ighi, eno aphi kümsa idewove nani. AMPEU no tsüno AMPEU no ikhipe wuvae; AMPEU je shelo.”

JOB 2:8

Job ye pa piyi chuxa kepu alitsa tachu pesü ayevu lo ihiuve.

LESHELE 102:25

Nono khaghi no ayeghi boqha ghope qhike, eno kungugha ye O u no mla keu ke.

LESHELE 104:5

Pa no mtotoi ayeghiqha boqha ghopüani, tishikeu lono ti ye khilemu ithamo nani.

LESHELE 107:41

ikemu aghime lono Pa no akukuphu avehupu shi akemi sünheqhe eno pano kibolomi pesü ambeloji toilu peke.

LESHELE 24:2

kughengu Pa no azü kutho shou tipau ghope qhike, eno azüghi shou tipau boqha qhape qhike.

LESHELE 75:3

Ayeghi eno tile küxümi kümtsü sükuchoqhi kelo, tipa tsükuchoqo mtotoi ngolupe keu ye I no ke.

LESHELE 75:4

I no aqheküzami vilo pi, ‘Qheza kevilo,’ eno kixikilami vilo, ‘Nongu kibo süqhe kevilo;

LESHELE 75:7

ikemu Alhou no küghakütha süghi cheni lakhiu sünhe qhive eno lakhiu süqheve cheni.

YETSAPIU 4:14

Kughengu alhotheu huye pa ghakhu lo kumlhomi shi punu kemu akughuki lono kükalakhü lo ikuve.

ISAIAH 22:23

I no pa pesü a-a lakhi lo ayishu toi akumtoshi yesüpe qhi nani, eno pa no pano lagha lo agigihupu yekipe süghitsü nani.

DANIEL 2:48

Tishino akükau no agigihu akiqheu eno agho kighiche Daniel tsü, pa pelo Babylon ghakhu kümtsü shou yepeu shivepe, eno pa pesü Babylon lo alokütsümi kümtsü shou atou shivepe.

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

DANIEL 6:3

Tishino Daniel hipau ye hiyampemi ngo yepemi kümtsü shou akimchi shi ipeghive, kughengu akighiche ghungu no pa gholo ae. Akükau no kükaqha kümtsü shou pa süküsü shinike kughuve.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 5:10

eno panoqo pesü kükaqha eno achinemi shi ghi ni Lhou lau tsüve kehu panoqo no ayeghi lo ayepe nanie.”

SAMUEL ATUGHIU 15:17

Samuel no pi, “O müzülo no ye aghulo kepi aghimu no ye Israel shiaye kümtsü kütsüke kumo keshea? Ampeu no o nukishepe Israel kükau shike.