SAMUEL ATUGHIU 2:5 - Sumi Naga CL (Re-edited) Bible (BSI)

⁵ Khunono chhitoi ache keno asho ghenguno aqe qeuvae, ikemu akhüava shiche keqo no müzüthi movae. Anuhami no anu tsüni punuvae, ikemu khuu no anuli kutomo ache keno li ye ijuvae.

BAIBEL (BSI)

⁵ Inahuu khunoqono akivishi ililai xuchekeno tipaqouno achuqupu ithuluni kelauno qeu khave, ikemu akhuava shichekeqoye muzuthi movae. Anuhami anipuqo huno anuli tsuni kutolo punu auva, Ikemu kutomo paza shichekeqo huye khunomu panongu sasu ngomovae.

SAMUEL ATUGHIU 2:5 Iomraidhean Croise

LESHELE 113:9

Pa no totimi anuhami lau akibo kuto tsüno li pelo alokivi shi atianuli paza shilupe cheni. Ampeu sheqhelo!

LESHELE 34:10

Abongshuu lhothe ghi achuqupu püqüve no müzüthi cheni; ikemu Ampeu phukemi ye akivi kiumu kühave monani.

ISAIAH 33:9

Ayeghi no itamjui mloqa ani; Lebanon ghasü no kujoqhiyi hailovae; Sharon no asayeqha toivae eno Bashan ngo Carmel no ighiqivae.

ISAIAH 54:1

“O, anga punumo keu, anuhau, ale phelo, no khuu apunu küsü süju mphi keno, alokivishi ighamku ale phelo! Kughengu anuhau totimi tianuli no külauve keu totimi tianuli nguno alau shive nani,” Ampeu no piani.

JEREMIYA 15:9

Anga tsüni paza no miqemleive no ikiqivae; li tsala ye puchou shiaphi lono tsüzüvae; li ye akukujopu eno atichepu shivae. Achili aghi keqo ye pano ghümi zütakikihi lono ikiqive peni, ipi Ampeu no asheshu.”

Luke 1:53

Pa no thime kivi pesü athokhami tsüvae, eno kupukuno shi akemi ye Pa no au kümsa puwuvae.

Luke 16:25

Ikemu Abraham no pi, ‘Anu, o küxü tivilo no ye thime kivi pesü ow shilue, titoi Lazarus ye alhoksa likhi ithulu kepi kümsü luniwa; ikemu itehi pa ye hilau alokughunopu ithulu ani, eno nou no aghime lo ani.

Galatiami 4:27

Kughengu shi yepüani: “Alovilo, anuhau anu iqomo keu; ilhethu ighamkulo, no apunu küsü süju mphi keu! Kughengu no jumuve keu totimi huno akimi akeu nipu nguno alau atianuli ananie.”

RUTH 4:15

Pa no o lau aküxü kithe süghi nani, o teasü lo o tuchomjo nani, kughengu o mukishiu khuu o kimiye cheni keno, khuu anu tsüni nguno akughupu keno, li no pa punulu ke.”

SAMUEL ATUGHIU 1:20

Ado achipi lono Hannah ye mishiluve no anu lakhi punu eno li no pa je Samuel kutsü, li no pi, “Kughengu Ampeu vilo I no pa khulue.”

SAMUEL ATUGHIU 1:6

Hannah sasü kumgho achekeu huno shishe li ghashikighide tsüniye li chuxu, kughengu Ampeu no li tita lakhave tsüke.