SAMUEL ATUGHIU 2:29 - Sumi Naga CL (Re-edited) Bible (BSI)

²⁹ Tishiaye kushiye I ghakishi eno I kümllagho khipaqo I no I chineki ghenguno azah tsü keno tipau thaigha eno Iw timi Israelmi no mlla keu lono ashi leqhi akiviu pe nongu ampi no atha pubeyi luve no I nguno alau o nuliqo gihuve kea?’

BAIBEL (BSI)

²⁹ Tishiaye ino iwu timi qo launo aghakishi eno apulou kumllagho khukeu loghi kughuvu ghi anheshuuve keuye hiye kiu kya? Kushiye kya Eli, noye ni nguno alau onuliqo gihuveno pama pelono iwu timiqono imllaniye sughikeu aghakishi gho akiviu haha luuwuvepe kya?

SAMUEL ATUGHIU 2:29 Iomraidhean Croise

KUKAMI AKINIU 12:6

Ikemu Joash yepe mpe muku aküthüu shivemu achinemi no achineki lo kumu shikithe moe.

LESHELE 26:8

O Ampeu, ni ye O kungoki kimiye cheni, eno O juküvü no khile ani keno ti kimiye cheni.

EZEKEL 13:19

Nongu ye ashothi anau au kichhi lakhi eno asho kughupo kititiqo ghenguno Iw timiqo zülono I shikitiqevae, Iw timiqo lau akimki tsa pi eno akimki tsa ini kemi no pithimo kepu timiqo pithive eno püxümo kepu timiqo püxüve ke.

EZEKEL 34:10

Ampeu no ishi piani, Julo, Ni ye ambekhemi lachile ani, I no I mbeqo ghenguno panongu launo kihikülai keu khu nani eno panoqo no ambe loji akeu lakhave nani. Ambekhemi ye pano lojilu moae. I no panoqo kichi lono I mbeqo xaphe luve nani, tishino panoqo chuqupu shipe move nani.

EZEKEL 34:2

“Timi nu, Israel lo ambekhemi shou tungkuptsa pilo: panoqo vilo tungkuptsa pilo, ambekhemi vilo pilo, Ampeu Alhou no ishi piani: Ya, Israel lo ambekhemi ye nongu ampi loji auvae! Ambekhemi ye ambe loji kepu ke kumo keshea?

HOSIYA 4:8

Panoqo no Iw timi xine küsaje; pano xine ghenguno alamine.

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

MICAH 3:5

Ampeu no tungkupmi ghenguno ishi pi, panoqo no Iw timi sabidevae, kughou chukepu thime ani keno, panoqo no “Aloino” ipi igha ikemu khuu no panoqo kichi lo kiumu sütsü moni keno pa shou aghükishi sheshue.

MATTHEW 10:37

Khukhumu apu momu aza kimiye akeu nguno alau I kimiyemo keu ye I laumi shiküzüpu kumoe, eno khukhumu apuanga kimiye akeu nguno alau I kimiyemo keu ye I laumi shiküzüpu kumoe.

MATTHEW 22:16

Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

Luke 14:26

“Khunono I lau ighive no pa puaza, anipu atianuli, athiküzü acheli, eno pa küxüu ghi milive moni keno, pa ye I khopemi shimlae.

Rommi 16:18

Kughengu titoi keqo ye ni Mpeu Khristo huthu amoe, ikemu pano kive kiqe ghenguno ke, pano ye jumghai shino alatsa pesü kivi-küsa mtha kemi pishiqhi cheni.

2 Kor. 5:16

Ikehu hinguno hilau ye ningu ye timi khumu ashi gholau no ikhilu moae. Ghuthu lakhi lo ningu no ashi gholau no Khristo ikhilu püaghi namu itehi ye tishi movae.

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.

ZAKINIU 33:9

Pa no pa puaza vehu lo pi, ‘Ni ye pama kihi movae’; pa no pa thiküzümi pheve eno pa tianuli jukümghaleve ke. Kughengu panongu ye O tsau no akhoto shive eno Ow puloshoqhi pape wuve ke.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

JOSHUA 18:1

Israelmi no ayeghi qhasü luve kethiu kümtsü no Shiloh lo kumqo eno kuposhukulu phiki mlave.

SAMUEL ATUGHIU 3:13

I no pa vilo asheshu püanike I no pülhapuju ghenguno pa kibolomi ghimeni ye ani, ti ye axine pa no ithi akeu ghenguno ke, kughengu pa nuliqo no Alhou thaigha ighivae, eno pa ye panoqo ghasü move.