SAMUEL ATUGHIU 2:27 - Sumi Naga CL (Re-edited) Bible (BSI)

²⁷ Alhouw timi lakhi no Eli lau ighi no pa vilo pi, “Ampeu no ishi piani, ‘Kughou nongu puasüqo no Egypt lo Pharaoh kibolomi qholo ache keno mtsüqheino I no I kutoshino o pu lau ipeghi kekumo keshea?

BAIBEL (BSI)

²⁷ Tungkupmi lakhino AMPEU launo ighikeu sutsa hipau pesu Eli lau sughi: “Kughou nongu pasu Aron eno pa laghaqo Ijipmi kukau quaxemi shi achekeno, ino ikutoshino Aron lau pephe piye.

SAMUEL ATUGHIU 2:27 Iomraidhean Croise

KUKAMI ATUGHIU 13:1

Ampeu tsa vecheo Judah lono Alhou timi lakhi Bethel lo ighi. Jeroboam ye akümlla-khache lo akümllagho tsüniye puthugho ae.

KUKAMI ATUGHIU 2:27

Ikehu Solomon no Ampeu chine kümla lono Abiathar hapheve, tishikeu lono Shiloh lo Ampeu no Eli limi vehu pi püakeu shikupuve.

IPEKULU 12:1

Egypt lo Ampeu no Moses ngo Aaron vilo pi,

IPEKULU 12:43

Ampeu no Moses ngo Aaron vilo pi, “Hi no Hechekulu yezah ke: Inaghami khumu hipau chumoni,

IPEKULU 4:27

Tithiu Ampeu no Aaron vilo pi, “Moses sasü kusholu kepu shi yenguyike-a lo wulo.” Ikehu pa no wuno Alhouw naghuto lono pa sholu eno pa mümae.

ZAKINIU 33:1

Kükümgha hipaqo ye Alhou timi Moses no thivenike zülono Israelmi shou pipuku tsüke.

1 Tim. 6:11

Ikemu, no Alhou timi, no ye hipaqo lono polulo. No ye amikucho, Alhou sükümsa, aküpülü, kikimiye, ithamokeu, akümtsha püzülo.

2 Peter 1:21

Kughengu tungkuptsa ye timi gho-apulou lono ighi püamoe, ikemu Aghungu Kimthe vecheo Alhou no tsükeu tsape Paw akimthemi no pikeu ke.

XAKUTHAMI 13:6

Totimi huno li kimi vilo pi, “Alhou timi lakhi I lau ighi, pa jukelo Alhouw kungumi toi ighono qhivütsünyi. Pa ye khila no ighi keno ni ye iniju move eno pa ghi pa je I vilo pimoe.

XAKUTHAMI 6:8

Ampeu no tungkupu lakhi panongu lau puwu. Tungkupu huno pi, “Ampeu Israel Lhou no ishi piani: I no Egypt lono nongu saipeghi eno aqüaxe lono nongu kuqhophe ke.

SAMUEL ATUGHIU 3:12

Tipa tsalani I no Eli kibolomi ghenguno piqhi püakeu kümtsü abothu lono ashekha kutolo shikupu nani.

SAMUEL ATUGHIU 9:4

Pa no Ephraim ato yeghi lo wuno ti vechesü Shalishah yeghi lo ighi, ikemu pama ye khurhaqo ithumlave. Ikehu Shaalim yeghi wuju, ikemu tilau aghi move. Tithiu pama no Benjamin yeghi lo wu kemu ithumlave.

SAMUEL ATUGHIU 9:6

Ikemu pa no pi, “Julo, mishighüna hipau lo Alhou timi lakhi ani, eno pa ye agigihu akemi; pa no pikeu kümtsü kuchou shive cheni. Tighenguno itehi nikujo tilau wuni. Nikujo no wukepu laghi pa no kichepiye luvike.”