SAMUEL ATUGHIU 19:1 - Sumi Naga CL (Re-edited) Bible (BSI)

¹ Saul no pa nu Jonathan eno pa qemi kümtsü vilo panongu ye David pithive masae pi. Ikemu pa nu Jonathan no David lau shishe alokiqi shiche.

BAIBEL (BSI)

¹ Saul no panu Jonathan ngo pa qholo kijemi vilo paye David pithiveni keu kuchughu akeu pesu pithi tsu, ikemu Jonathan ye ighono David ju pa loche

SAMUEL ATUGHIU 19:1 Iomraidhean Croise

BOTHUBO 37:18

Panongu no putou no pa ithulu, eno pa no kupunu ighi mphi lono panongu no pa pithive niye küsüqeve.

SAMUEL AKINIU 4:8

eno Ish-bosheth kütsü pesü Hebron lo David lau ighi. Pama no akükau vilo pi, “O küxü phuche keu, o ghümi, Saul nu Ish-bosheth kütsü hi anie. Ishi tsala lono Ampeu no I mpeu akükau ghenguno Saul eno pa tikughuko shou amkhü luve tsüae.”

SAMUEL ATUGHIU 18:1

David no Saul pütsa tave kemtsa Jonathan mlo no David sasü lakhi shiluve, Jonathan no pa ampi kimiye aketoi David kimiyeve.

SAMUEL ATUGHIU 18:25

Tile Saul no pi, “David vilo ishi pilo, ‘Akükau ye pa ghümi Philistiami lau amkhü luni kehu pano phighüyiko aqhe piqi kumo aye o launo ameh kiumu avehupu shiamoe.’” Saul ye David pelo Philistiami u lono ikiqive penishi ae.

SAMUEL ATUGHIU 18:3

Jonathan no David sasü puloshoqhi shi, kughengu pa no pa ampi kimiye aketoi David kimiyeve.

SAMUEL ATUGHIU 18:8

Hipa tsa no Saul loshipüsüve no pa ye ighono amloideve, eno pi, “David jelo 10,000 piqi piani, ikemu I je loye 1,000 piani, itehi pa no ithuluni keu ye kükaqha kepi ani keo?”

SAMUEL ATUGHIU 18:9

Tipani no huthusü Saul no David miqe thuve.

SAMUEL ATUGHIU 19:2

Jonathan no David vilo pi, “I pu no o pithive niye ani. Tighenguno thanau inaqhe o jukuto luve lo. Tuqhou-a lakhi lo itshü luve lo.

SAMUEL ATUGHIU 20:1

David ye Ramah lo Naioth lono pove eno Jonathan zülo ighi no pi, “Ni ye kiu shive kea? I kipimi kiu ani kea? O pu zülo I xine kiu ani keno pa ye I küxü phucheni kea?”

SAMUEL ATUGHIU 20:19

Aghiniu kughou atüqhüdo toveni keno no ye mtazü khile itshü ani keno tile iqive no atu no amoqhe püakeu lo ijeluve lo.