SAMUEL ATUGHIU 18:21 - Sumi Naga CL (Re-edited) Bible (BSI)

²¹ Saul no kümsü, “I no li pesü pa tsüveni, tishino li pelo pa lichhe shipe no Philistiami no heqhive peni.” Tighenguno, Saul no akiniu ghi David vilo pi, “Itehi no ye I makishiu shiniae.”

BAIBEL (BSI)

²¹ Tileno pano pa likhi pa putsa ghi ishipi, “Niye Mikhal pelo David kilo wopeni akena eno li lichhe vechewono Filistiyami pelo David heqhi pithiluvepeni.” Ikehu akiniu loghi Saul no David vilo pi, “Noye imakishiu shiniae.”

SAMUEL ATUGHIU 18:21 Iomraidhean Croise

LESHELE 38:12

I küxü phuche kemi no alichhe thepe qhitsüe; I ghüza niye phuche kemi no kütsakungo tsa picheni eno atsala kupuju pishiqhi nike kümsükutho cheni.

IPEKULU 10:7

Tithiu Pharaoh qemi no pa vilo pi, “Ado khitohi timi hipau pelo ningu kitime apeni kea? Timiqo puwuvelo, tishianguno pano pelo Ampeu pano Lhou huthulu pelo. Egypt ye kütsavae pi no ye vethamla aphi keshea?”

AHOLE 29:5

Khuu no alatsa pesü pa küsau sheqhe cheni keno pa likhi pa lichhe shipeqhi anie.

JEREMIYA 5:26

Kixikilami timiqo Iw timi gholono phulue; aghau lichhe shiche kemi toi, timi meluni ke ihozüpe ngokhe. Panongu no timi menike aküsü piqepe qhie.

JEREMIYA 9:8

Panongu mili ye akithipu piji toike, tino pishikiqhi tsa picheni; pano kichi loye pano kisüghümi lau külakishi tsa picheni, ikemu pano mlo loye ghüthe shipe khe cheni.

SAMUEL ATUGHIU 18:17

Tithiu Saul no David vilo pi, “I nga akichiu Merab hile ani. I no li pesü o nipu shi penike o tsüni. I ghenguno amlo kumto shino Ampeu ghüshi shilo.” Kughengu Saul no ishi kümsü, “Pa shou I u süqhe moni, ikemu Philistiami u no pa shou ikughi peni.”

SAMUEL ATUGHIU 18:22

Saul no pa qemi azah tsü, “Lomoshi David pütsa no pilo, ‘Julo, akükau ye o lau amlo qiqhiyi ani, eno pa qemi kümtsü no o kimiye ani. Ikehu akükau makishiu shilo.’”

SAMUEL ATUGHIU 18:26

Kughou pa qemi no David vilo atsa hipaqo pi keno, David ye akükau makishiu shinike pulove. Kihiküthado veche mphi lono